ٸشكٸ ٸستەر مينيسترلٸگٸ ازاماتتاردى كونتسەرتتەر مەن بۇقارالىق ٸس-شارالارعا بيلەت ساتىپ الۋ كەزٸندە ساق بولۋعا شاقىردى, دەپ حابارلايدى Dalanews.kz.
ينتەرنەتتە بيلەت ساتۋ نەمەسە الىپ-ساتۋ بويىنشا كٷمەندٸ ۇسىنىستار كەزدەسۋٸ مٷمكٸن.
"ينتەرنەت جەلٸسٸندە كونتسەرتتەر مەن بۇقارالىق ٸس-شارالارعا بيلەت ساتىپ الۋ نەمەسە الىپ-ساتۋ بويىنشا جالعان حابارلاندىرۋلار, سونداي-اق, دەلدالداردىڭ ۇسىنىستارى كەزدەسٸپ جاتادى. الاياقتار بيلەت ساتىپ الۋدا كٶمەك ۇسىنادى نەمەسە ولاردى قىمباتقا ساتادى. ودان بٶلەك, جالعان بيلەتتەر تاراتۋى دا مٷمكٸن. ولارعا سەنگەن ادامدار اقشا اۋدارىپ, سوڭىندا بيلەتسٸز قالۋى ىقتيمال. ٸشكٸ ٸستەر مينيسترلٸگٸ ازاماتتاردى ساق بولۋعا شاقىرادى, كەز كەلگەن ٸس-شاراعا بيلەتتٸ تەك رەسمي ەرٸ تەكسەرٸلگەن جەرلەردەن ساتىپ الۋدى ۇسىنادى", - دەدٸ ٸٸم باسپاسٶز حاتشىسى شۇعىلا تۇرلىبەك.
