Bul týraly Eýraziia birinshi arnasy habarlaidy.
Tapqan tabysy iship-jemnen artylmaityn halyqtyń bazardaǵy baǵaǵa táýeldi ekeni ras. Jyl basynan beri qazaqstandyqtar jalaqysynyń 60 protsentine jýyǵyn azyq-túlikke jumsapty. Jo-joq, bul jurt tábetiniń jaqsarǵany emes, sóredegi baǵanyń qymbattaǵany. Sandar búi deidi.
Biyl azyq-túlik baǵasy byltyrǵymen salystyrǵanda birden 10 protsentke qymbattapty. Ásirese, halyq kúndelikti tutynyp júrgen taýarlardyń quny kúrt artqan. Nan ónimderi - 14, un - 22, dándi-daqyldar - 33,kartop - 26, jumyrtqa - 14, al maidyń baǵasy - 15 protsentke qymbattaǵan eken.
Osyny depýtattyq saýalynda tilge tiek etken depýtat Aiqyn Qońyrov kelesidei usynysyn jetkizdi. Májilismenniń sózinshe, halyqqa azyq-túlikti talonmen taratý sóredegi qymbatshylyqtyń aldyn-alady-mys.
Aiqyn Qońyrov, QR Májilis depýtaty:
"Halyqtyń densaýlyǵyna qaýip tónip turǵan ýaqytta, azyq-túlik baǵasynyń artqany aqylǵa qonymsyz. Halyqqa qazir durys tamaqtaný kerek. Al ailyǵy shailyǵynan artylmaityn jurt, paidaly tamaqty qaidan jesin? Sondyqtan kommýnistik partiia burynǵydai kýpondyq tólem júiesin engizý kerek dep esepteidi."
Iá, Kommýnistik partiianyń ókili kelmeske ketken Keńes zamanyn saǵyndy ma, azyq-túlikti jurtqa burynǵydai talonmen taratý kerek degen pikirde. Alaida, sol kezderdi kóz kórgender depýttatyń bul bastamasyna jyly shyrai tanytpady. Soǵys, daǵdarys kezinde joqshylyqtan qoldanǵan júiege jurt beibit zamanda nege qaita oralýy kerek deidi.
Jaryqgúl Qurmanbaeva, zeinetker:
"Soǵys kezinde myna kartochnyi júie boldy. endiń ol kezde túsinikti ǵoi, soǵys boldy, halyqtyń halý nashar boldy, Úkimet qamtamasyz ete almady. Al endi dál qazir dál bizde qazir jaǵdai jaqsy. Biz endi balalarymyzdyń bolashaǵy jarqyn bolady dep elestetemiz. Endi qazirgi ýaqytqa talonǵa kóship, artqa qaitýymyz durys emes dep esepteimin".
Ekonomister de depýtat Aiqyn Qońyrovtyń usynysy aqylǵa qonymsyz degen oiyn jetkizdi. Al ailyǵy shailyǵynan artylmaityn halyqtyń jaǵdaiyn jaqsyrtatyndai kelesidei bastama kótergen áldeqaida durys deidi.
Saparbai Jubaev, ekonomist:
"Kommýnisterdiń usynysyndai halyqtyń bárin teńestirip emes, kóp ailyq alatyn kommýnist depýtattarymyzdyń salyǵyn 20-25 paiyzǵa kóbeitý kerek. Sonda biýdjettiń aqshasy kóbeiedi de, muqtaj adamdarǵa kómek kóbeiip, olardyń satyp alý qabileti joǵarylap, azyq-túlikke aqsha jetetin bolady".
Qalai bolǵanda da, kommýnister partiiasynyń aitqan usynysy áli tek sóz júzindegi bastama ǵana. Al onyń zańdy kúshine enetini ia enbeitinin halyq aldaǵy ýaqytta kóre jatar.
