بۇل تۋرالى ەۋرازييا بٸرٸنشٸ ارناسى حابارلايدى.
تاپقان تابىسى ٸشٸپ-جەمنەن ارتىلمايتىن حالىقتىڭ بازارداعى باعاعا تەۋەلدٸ ەكەنٸ راس. جىل باسىنان بەرٸ قازاقستاندىقتار جالاقىسىنىڭ 60 پروتسەنتٸنە جۋىعىن ازىق-تٷلٸككە جۇمساپتى. جو-جوق, بۇل جۇرت تەبەتٸنٸڭ جاقسارعانى ەمەس, سٶرەدەگٸ باعانىڭ قىمباتتاعانى. ساندار بٷي دەيدٸ.
بيىل ازىق-تٷلٸك باعاسى بىلتىرعىمەن سالىستىرعاندا بٸردەن 10 پروتسەنتكە قىمباتتاپتى. ەسٸرەسە, حالىق كٷندەلٸكتٸ تۇتىنىپ جٷرگەن تاۋارلاردىڭ قۇنى كٷرت ارتقان. نان ٶنٸمدەرٸ - 14, ۇن - 22, دەندٸ-داقىلدار - 33,كارتوپ - 26, جۇمىرتقا - 14, ال مايدىڭ باعاسى - 15 پروتسەنتكە قىمباتتاعان ەكەن.
وسىنى دەپۋتاتتىق ساۋالىندا تٸلگە تيەك ەتكەن دەپۋتات ايقىن قوڭىروۆ كەلەسٸدەي ۇسىنىسىن جەتكٸزدٸ. مەجٸلٸسمەننٸڭ سٶزٸنشە, حالىققا ازىق-تٷلٸكتٸ تالونمەن تاراتۋ سٶرەدەگٸ قىمباتشىلىقتىڭ الدىن-الادى-مىس.
ايقىن قوڭىروۆ, قر مەجٸلٸس دەپۋتاتى:
"حالىقتىڭ دەنساۋلىعىنا قاۋٸپ تٶنٸپ تۇرعان ۋاقىتتا, ازىق-تٷلٸك باعاسىنىڭ ارتقانى اقىلعا قونىمسىز. حالىققا قازٸر دۇرىس تاماقتانۋ كەرەك. ال ايلىعى شايلىعىنان ارتىلمايتىن جۇرت, پايدالى تاماقتى قايدان جەسٸن? سوندىقتان كوممۋنيستٸك پارتييا بۇرىنعىداي كۋپوندىق تٶلەم جٷيەسٸن ەنگٸزۋ كەرەك دەپ ەسەپتەيدٸ."
يە, كوممۋنيستٸك پارتييانىڭ ٶكٸلٸ كەلمەسكە كەتكەن كەڭەس زامانىن ساعىندى ما, ازىق-تٷلٸكتٸ جۇرتقا بۇرىنعىداي تالونمەن تاراتۋ كەرەك دەگەن پٸكٸردە. الايدا, سول كەزدەردٸ كٶز كٶرگەندەر دەپۋتتاتىڭ بۇل باستاماسىنا جىلى شىراي تانىتپادى. سوعىس, داعدارىس كەزٸندە جوقشىلىقتان قولدانعان جٷيەگە جۇرت بەيبٸت زاماندا نەگە قايتا ورالۋى كەرەك دەيدٸ.
جارىقگٷل قۇرمانباەۆا, زەينەتكەر:
"سوعىس كەزٸندە مىنا كارتوچنىي جٷيە بولدى. ەندٸڭ ول كەزدە تٷسٸنٸكتٸ عوي, سوعىس بولدى, حالىقتىڭ حالۋ ناشار بولدى, ٷكٸمەت قامتاماسىز ەتە المادى. ال ەندٸ دەل قازٸر دەل بٸزدە قازٸر جاعداي جاقسى. بٸز ەندٸ بالالارىمىزدىڭ بولاشاعى جارقىن بولادى دەپ ەلەستەتەمٸز. ەندٸ قازٸرگٸ ۋاقىتقا تالونعا كٶشٸپ, ارتقا قايتۋىمىز دۇرىس ەمەس دەپ ەسەپتەيمٸن".
ەكونوميستەر دە دەپۋتات ايقىن قوڭىروۆتىڭ ۇسىنىسى اقىلعا قونىمسىز دەگەن ويىن جەتكٸزدٸ. ال ايلىعى شايلىعىنان ارتىلمايتىن حالىقتىڭ جاعدايىن جاقسىرتاتىنداي كەلەسٸدەي باستاما كٶتەرگەن ەلدەقايدا دۇرىس دەيدٸ.
ساپارباي جۇباەۆ, ەكونوميست:
"كوممۋنيستەردٸڭ ۇسىنىسىنداي حالىقتىڭ بەرٸن تەڭەستٸرٸپ ەمەس, كٶپ ايلىق الاتىن كوممۋنيست دەپۋتاتتارىمىزدىڭ سالىعىن 20-25 پايىزعا كٶبەيتۋ كەرەك. سوندا بيۋدجەتتٸڭ اقشاسى كٶبەيەدٸ دە, مۇقتاج ادامدارعا كٶمەك كٶبەيٸپ, ولاردىڭ ساتىپ الۋ قابٸلەتٸ جوعارىلاپ, ازىق-تٷلٸككە اقشا جەتەتٸن بولادى".
قالاي بولعاندا دا, كوممۋنيستەر پارتيياسىنىڭ ايتقان ۇسىنىسى ەلٸ تەك سٶز جٷزٸندەگٸ باستاما عانا. ال ونىڭ زاڭدى كٷشٸنە ەنەتٸنٸ يا ەنبەيتٸنٸن حالىق الداعى ۋاقىتتا كٶرە جاتار.
