Vitse-premer – Sý tasqynyna qarsy sharalardy úilestirý jáne qarǵyn sý júrý kezeńiniń saldaryn joiý jónindegi respýblikalyq shtab basshysynyń orynbasary Qanat Bozymbaev jáne tótenshe jaǵdailar ministri Shyńǵys Árinov Qaraǵandy oblysyndaǵy sý tasqyny jaǵdaiyn tekserdi, – dep habarlaidy Dalanews.kz.
Premer-Ministr orynbasary jáne TJM basshysy Qaraǵandy oblysyndaǵy ózen alaptaryn áýeden baqylap, óńirdegi ahýalmen tanysty. Búginde jaǵdai kúrdeli dep baǵalanýda. Óitkeni óńirde sý tasqynynyń ekinshi tolqyny boljanyp otyr.
Nura, Osakarov aýdandary aýmaqtarynda qardyń 40%-ynda jáne Aqtoǵai aýdanynyń soltústik bóliginde de biraz qar erimegen.
Tótenshe jaǵdailardyń aldyn alý úshin sý tasqyny qaýpi bar aýdandarǵa azamattyq qorǵaý qyzmetiniń qosymsha kúshteri men quraldary tartylǵan.
Shtab basshysynyń orynbasary Shet aýdany aýyldarynyń zardap shekken turǵyndarymen kezdesý barysynda sý tasqynynan kelgen barlyq shyǵyndy Komissiia baǵalap, tolyq óteletinin atap ótti.
– Memleket basshysy sý tasqyny zardaptaryn barynsha azaitýdy jáne birinshi kezekte, halyqtyń qaýipsizdigin qamtamasyz etýdi tapsyrdy. Komissiia barlyq úidi tekseredi. Kómek kórsetiledi, múlik qalpyna keltirilip, óteledi. Eger úiler jaramsyz dep tanylsa, jańasy salynady nemese ekinshi naryqtan basqa baspana satyp alynady, – dep túsindirdi Qanat Bozymbaev aýyl turǵyndaryna.
