AQSh-ta kóshi-qon saiasatynyń qatańdatylýyna bailanysty Qazaqstan elshiligi shetelde qujatsyz, vizasyz júrgen otandastarymyzǵa eskertý jasady, dep habarlaidy Dalanews.kz.
Eskertý AQSh-taǵy Qazaqstannyń elshiligi ókildiginiń resmi saitynda jariialandy.
"Qurmetti Amerika Qurama Shtattaryndaǵy Qazaqstan Respýblikasynyń azamattary! QR AQSh-taǵy elshiligi Amerika Qurama Shtattary shekara qaýipsizdigin nyǵaitý jáne zańsyz migratsiiany azaitý maqsatynda migratsiialyq saiasatyn barynsha qatańdatqanyna nazarlaryńyzdy aýdarady. Shekara qaýipsizdigin nyǵaitýǵa jáne zańsyz migratsiiany azaitýǵa baǵyttalǵan sharalar elge zańsyz kelgen sheteldikterge (vizasyz kelgen jáne turaqty turýǵa ruqsaty joq azamattar) jáne AQSh-ta zańsyz júrgen migranttarǵa qatysty bolyp otyr. Qamaýǵa alý jáne elden shyǵarý syndy májbúrleý sharalarymen qatar, AQSh-qa qaita kirýge shekteýler engizilip, sondai-aq áleýmettik kómek, jumys isteýge ruqsat beretin qujattar men basqa da áleýmettik jeńildikterdi joiý qarastyrylýda. AQSh biligi zańsyz negizde júrgen sheteldikterge (qujaty joq, jaramsyz viza men turaqty turýǵa ruqsaty (Grin Karta) jáne basqa qujattar bolmaýy) elden óz erkimen ketýge múmkindik berip otyr", delingen elshiliktiń resmi eskertýinde.
Bul shara Qazaqstan azamattarynyń deportatsiiaǵa ushyraý qaýpin azaitýǵa jáne onyń saldarynan bolashaqta AQSh vizasyna ótinish bergende el aýmaǵyna kirýge tyiym salynýynan saqtanýǵa kómektesetini de naqtylanady.
Taǵy birqatar ózgeristerdi atap ótýge bolady:
- "Meksikada qalyńyz" saiasaty qaita engizildi, iaǵni migranttar jáne saiasi baspana suraityndar migratsiialyq sotqa shaqyrǵanǵa deiin Meksikada qalýǵa mindetteledi;
- "Usta da jiber" (catch and release) sharasy toqtatyldy. Bul AQSh shekarasynan zańsyz ótken migranttar isi qaralmaiynsha qamaýda bolatyndyǵyn bildiredi. Olardy arnaiy ortalyqtarǵa qamap, nemese birden kelgen elderine qaitaratyn bolady.Sonymen qatar azamattar úshinshi elderge de jiberilýi múmkin (mysaly, "Meksikada bolý" baǵdarlamasy boiynsha);
- Shartty túrde ýaqytynan erte bosatatyn nemese AQSh-qa kirýge aldyn-ala jeńildikter qarastyrylǵan "CBP One" mobildik qosymshasy jumysyn toqtatty.
AQSh kóshi-qon zańnamasyndaǵy ózgerister týraly resmi aqparatty kelesi resýrstardan baqylap otyrý usynylady:
- AQSh azamattyǵy jáne immigratsiia qyzmeti (USCIS);
- AQSh Memlekettik departamenti - Konsýldyq máseleler biýrosy.
Tótenshe jaǵdailar nemese konsýldyq-quqyqtyq kómek qajettiligi týyndaǵan jaǵdaida, tómendegi bailanys nómirlerine habarlasý suralady:
- Qazaqstan Respýblikasynyń Elshiligi: +1 202 232 5488 ishki 127, 109, 121;
- QR Niý-Iork qalasyndaǵy Bas konsýldyǵy: +1 332 207 9632;
- QR San-Frantsisko qalasyndaǵy Bas konsýldyǵy: +1 650 741-8894.
Aita ketsek, kúni keshe, jeksenbide Donald Tramp Kolýmbiiaǵa qarsy tarifter men sanktsiialar engiziletinin jariialap, eki el arasyndaǵy qatynas shielenise tústi. AQSh jańadan qabyldanǵan kóshi-qon sharalary sheńberinde elde zańsyz júrgen kolýmbiialyqtardyń bir parasyn áskeri ushaqtarǵa mingizip, keri qaitarǵan. Alaida Kolýmbiia bul ushaqtardy qabyldamai qoiǵan. Sol-aq eken, eki el prezidentteri jelide "aitysqa" kóshti.
Aldymen Tramp ashýǵa minip, mynalardy buiyrdy:
- Bogotadaǵy AQSh elshiligin jabýdy;
- Kolýmbiiadan kelip jetken barlyq taaýarlarǵa 50% deńgeiinde baj engizýdi;
- Kolýmbiia sheneýnikterine AQSh-qa kirýge tyiym salýdy;
- Shekarada Kolýmbiia azamattaryna qatysty baqylaýdy kúsheitý;
- Kolýmbiianyń ekonomikasy men bank júiesine sanktsiia engizý sharalaryn daiyndaýdy.
"Bul sharalar tek bastamasy. AQSh Kolýmbiianyń óz mindettemelerinen bas tartýyn kótere almaidy, — dep atap ótti Tramp Truth Social-daǵy paraqshasynda.
Negizinen,Kolýmbiia - Latyn Amerikasyndaǵy AQSh-tyń úshinshi iri saýda seriktesi. Osyny negizge alǵan Kolýmbiia prezidenti Gýstavo Petro "amerikalyq taýarlarǵa 50% baj salyǵyn engizemiz" dep doq kórsetti. Kóp uzamai ol H jelisindegi paraqshasynda óziniń saýda ministrine AQSh importyna baj salyǵyn 25%-ǵa kóterýdi tapsyrǵanyn málimdedi.
"Búginnen bastap Kolýmbiianyń búkil álemge esigi ashyq. Biz bostandyqtyń, ómirdiń jáne adamgershiliktiń qurylysshylarymyz. Adam eńbeginiń "jemisterin" AQSh-qa ekportyna 50 paiyz kóleminde tarif engizgenińizden qulaǵdar boldym, men de dál solai jasadym. Bizdiń adamdar Kolýmbiiada júgeri otyrǵyzyp, onymen búkil álemdi tamaqtandyrsyn", — dedi Gýstavo Petro.
"Eger qyńyr adam kim deseńiz, ol men bolamyn, osymen núkte qoialyq. Ekonomikalyq áleýetińizben jáne tákapparlyǵyńyzben memlekettik tóńkeris jasaýǵa tyrysatyn shyǵarsyz, týra Alendegidei. Biraq men ólsem, óz zańymmen ólemin, azaptaýlarda da basymdy tik ustaǵanmyn, sizdiń aldyńyzda da bas ie qoimaspyn. Men Kolýmbiianyń qul ielenýshiler jaǵynda bolǵanyn qalamaimyn, ondailar bizde kóp boldy, biraq biz bárin jeńdik", — dedi Petro.
Osy aitqanyna sai Petro bir saǵattan keiin migranttardy azamattyq reistermen oralýyn uiymdastyrýdy, sonyń ishinde Kolýmbiia azamattarynyń elge "laiyqty oralýy" úshin óziniń prezidenttik ushaǵyn paidalanýdy usyndy. Sonymen birge ol Kolýmbiia eshqashan óz aýmaǵynda qujatsyz júrgen amerikalyqtardy deportatsiialamaitynyn atap ótti.
"Maǵan Sizderdiń munai,Tramp degenderińiz unamaidy, ol ashkózdikten adamzat balasyn joiyp tynar. Múmkin bir kúni asqanym aýyrǵanyna qaramastan bir bokal sharap iship, bul týraly ashyq sóilese alarmyz, biraq bul jaǵy qiyndaý, óitkeni siz meni tómen násil dep sanaisyz, shyntýaiynda barlyq kolýmbiialyqtar siiaqty men ondai emespin", — dedi Kolýmbiia prezidenti.
Bul sóz jarysqa Tramp H áleýmettik jelisinde (burynǵy Twitter) bylai núkte qoidy: "otpen oinama, kúiip qalasyń" degen maǵynany bildirip, óz sýreti artyna FAFO abbreviatýrasyn ornalastyrdy.
Sóitip bul aitys-tartystyń sońy jaqsy aiaqtaldy. Eki tarap ta talaptyń oryndalýyna bailanysty engizgen baj salyqtaryn demde alyp tastady. Degenmen osylaisha AQSh qatańdatylǵan kóshi-qon saiasatymen "oinaýǵa" bolmaitynyn basqa elderge de úlgi etýge tyrysqandai.
