Semeide politsiia qyzmetkerleri jol erejesin óreskel buzǵan júrgizýshi men jolaýshyny ákimshilik jaýapkershilikke tartty, dep habarlaidy dalanews.kz.
Oqiǵa Qaraǵaily shaǵynaýdanynda bolǵan. Áleýmettik jelilerge monitoring júrgizý barysynda politseiler Toyota RAV4 kóliginiń kapotynda jolaýshy otyrǵan videony anyqtaǵan.
Kólik tizgininde qalanyń 22 jastaǵy turǵyny bolǵan. Ol jolaýshyny kóliktiń salonynan tys tasymaldaǵany úshin ákimshilik jaýapkershilikke tartyldy.
Sondai-aq, jol júrisi qaǵidalaryn buzyp, qozǵalys kezinde kólik kapotynda otyrǵan 24 jastaǵy jolaýshy da ákimshilik jaýapkershilikke tartylǵan.
