Kóksý qant zaýytynyń basshylyǵy aldymen jóndeý jumystarynyń kestesin jasaǵan.
Mundaǵy 8 tsehty jańa maýsymǵa daiyndaý jumystary qyzý júrip jatyr, oǵan 170 adam tartylǵan. Qant qyzylshasyn óńdeý jelisiniń negizgi toraptaryna aǵymdaǵy jóndeý men defektilik jumystary júrgizilýde. Oǵan qosa qamystan qant óńdeitin jańa jeliniń qurylysy aiaqtalýǵa jaqyn.
– Jalpy qant qyzylshasyn qabyldaý pýnktteri men zaýyttyń jóndeý jumystary biylǵy jyldyń 15 qyrkúieginde aiaqtalýy tiis. Ol úshin qarjylyq múmkindikter de, eńbek resýrstary da jetkilikti, – deidi zaýyt direktory Altynbek Abatov.
Atap ótsek, Kóksý qant zaýytynyń bir ózi ótken jyly 260 myń tonna shikizat óńdep, 32 myń tonna qant alǵan. Al biylǵy jyly 285 myń tonna qant qyzylshasyn óńdep, 38 myń tonna daiyn ónim alý mejelenip otyr.
Jalpy oblys boiynsha ótken jyly Aqsý jáne Kóksý qant zaýyttary birlesip 51 myń tonna qant óńdep shyǵarsa, biyl bul kórsetkish 58 myń tonnaǵa jetedi dep josparlanǵan. Osy rette búgingi kúnge deiin tátti túbir 16 100 gektarǵa sebilgenin aita ketýimiz kerek.
