كوكسۋ قانت زاۋىتىنىڭ باسشىلىعى الدىمەن جوندەۋ جۇمىستارىنىڭ كەستەسىن جاساعان.
مۇنداعى 8 سەحتى جاڭا ماۋسىمعا دايىنداۋ جۇمىستارى قىزۋ ءجۇرىپ جاتىر، وعان 170 ادام تارتىلعان. قانت قىزىلشاسىن وڭدەۋ جەلىسىنىڭ نەگىزگى توراپتارىنا اعىمداعى جوندەۋ مەن دەفەكتىلىك جۇمىستارى جۇرگىزىلۋدە. وعان قوسا قامىستان قانت وڭدەيتىن جاڭا جەلىنىڭ قۇرىلىسى اياقتالۋعا جاقىن.
– جالپى قانت قىزىلشاسىن قابىلداۋ پۋنكتتەرى مەن زاۋىتتىڭ جوندەۋ جۇمىستارى بيىلعى جىلدىڭ 15 قىركۇيەگىندە اياقتالۋى ءتيىس. ول ءۇشىن قارجىلىق مۇمكىندىكتەر دە، ەڭبەك رەسۋرستارى دا جەتكىلىكتى، – دەيدى زاۋىت ديرەكتورى التىنبەك اباتوۆ.
اتاپ وتسەك، كوكسۋ قانت زاۋىتىنىڭ ءبىر ءوزى وتكەن جىلى 260 مىڭ توننا شيكىزات وڭدەپ، 32 مىڭ توننا قانت العان. ال بيىلعى جىلى 285 مىڭ توننا قانت قىزىلشاسىن وڭدەپ، 38 مىڭ توننا دايىن ءونىم الۋ مەجەلەنىپ وتىر.
جالپى وبلىس بويىنشا وتكەن جىلى اقسۋ جانە كوكسۋ قانت زاۋىتتارى بىرلەسىپ 51 مىڭ توننا قانت وڭدەپ شىعارسا، بيىل بۇل كورسەتكىش 58 مىڭ تونناعا جەتەدى دەپ جوسپارلانعان. وسى رەتتە بۇگىنگى كۇنگە دەيىن ءتاتتى ءتۇبىر 16 100 گەكتارعا سەبىلگەنىن ايتا كەتۋىمىز كەرەك.
