Kókshetaýda politseiler 15 keliden asa esirtkini joidy, - dep habarlaidy Dalanews.kz.
Esirtki zattary 25 qylmystyq is boiynsha tárkilengen. 28 qazanda politsiia qyzmetkerleri, sot, prokýratýra jáne Ádilet ókilderinen arnaiy qurylǵan komissiia osy jyly qylmystyq isterdiń qatysýshysynan tabylǵan jáne tárkilengen esirtkilerdi órteý boiynsha is-shara ótkizdi.
Aldyn ala komissiia músheleri sotta qaralǵan jáne zattai dáleldemelerdi joiý týraly sheshimder qabyldanǵan qylmystyq ister boiynsha salystyryp tekserý júrgizdi.
Bul esirtki men psihobelsendi zattardyń ózi de, olardy qoldanýǵa arnalǵan qurylǵylar da, esirtkini saqtaýǵa arnalǵan ártúrli konteinerler men oraýysh materialdar. 15 keli joiylǵan zattyń 3,5 kelisinen astamy “sintetika” bolyp shyqty.
Usynylǵan joiý aktisinen oblys ortalyǵynyń aýmaǵynda esirtki taratýmen ainalysqan jáne esirtkige qarsy politseileriniń ustaý barysynda 1,8 keliden astamy “mefedron” psihotroptyq zaty tárkilengen kórshi oblystyń turǵynyna qatysty qylmystyq is boiynsha úkim bar.
Joiylatyn esirtkilerdi tártip saqshylary kúndelikti qyzmet barysynda, onyń ishinde jedel-izdestirý is-sharalaryn júrgizý, tintý júrgizý kezinde, azamattar men avtokólik quraldaryn jeke tekserý kezinde tárkiledi.
