Túrkistan oblysy Sairam aýdanynda 20 jastaǵy jigitti 25-30 adamnan quralǵan top aiaýsyz soqqyǵa jyqqany týraly aqparat tarady, dep habarlaidy Dalanews.kz.
Túrkistan oblysy PD baspasóz qyzmeti málimetinshe, Sairam aýdanynyń turǵyny dene jaraqatymen aýrýhanaǵa jetkizilgeni týraly habarlama politsiiaǵa 7 aqpanda túsken.
"Oqiǵa ornyna jedel tergeý toby shyqty. Politsiia qyzmetkerleri qajet is-sharalardy atqaryp, barlyq qatysýshyny, sondai-aq, oqiǵanyń kýálaryn anyqtady. Buzaqylyq deregi boiynsha qylmystyq is qozǵaldy. Jedel izdestirý is-sharalary nátijesinde kúdikti retinde jergilikti eki turǵyn ustaldy", - dep jazylǵan habarlamada.
Ustalǵandarǵa qatysty sot úiqamaq túrindegi bultartpaý sharasyn qoldanǵan.
"Qazir barlyq mán-jaidy jan-jaqty, tolyq anyqtaýǵa baǵyttalǵan tergeý jalǵasyp jatyr. Týystarynyń aitqan ýájderi zerttelip, tekseriledi. Qazirgi tańda jábirlenýshi meditsinalyq mekemede emdelip jatyr. Tergeý qorytyndysy boiynsha quqyqtyq baǵa berilip, protsessýaldyq sheshim qabyldanady", - dedi politsiia.
