"JES pen jeliler iesiniń jaýapkershiligine bólek toqtalǵym keledi. Qunsyzdanýy 90 paiyzdan asatyn Ekibastuz jylý elektr ortalyǵyn memleketke 1 teńgege satý týraly usynysty tekserý qajet", - dedi Toqaev úkimettiń keńeitilgen otyrysynda.
Memleket basshysy bul nysanǵa táýelsiz aýdit júrgizý kerek ekenin atap ótti.
"Tozyǵy jetken ortalyqty Úkimet tiimdi basqara ala ma, eń aldymen, osyny anyqtaý kerek. Kásiporynnyń 50 paiyzyn alyp, menshik iesine Jylý elektr ortalyǵyn kúrdeli jóndeýden ótkizýdi tapsyrǵan jón", – deidi Toqaev.
"Ekibastuz qalasynyń turǵyndaryna keltirilgen shyǵyndy óteý menshik iesi men respýblikalyq biýdjet arasynda bólinsin.
Sońǵy jyldary qojaiyndary eshnárse jasamaǵan árbir mańyzdy infraqurylymdyq nysandy Úkimet jan-jaqty qarastyryp, sheshim qabyldaýy kerek.
Osyndai jumystardy oblys ákimderi jergilikti jerlerde de júrgizetin bolady", - deidi memleket basshysy.
27 qarashaǵa qaraǵan túni Pavlodar oblysyndaǵy Ekibastuz qalasy 30 gradýstyq aiazda jylý elektr ortalyǵyndaǵy qazandyqtardyń toqtap qalýyna bailanysty jylýsyz qalǵan. 28 qarashada Ekibastuzda tótenshe jaǵdai rejimi engizildi. Dál osy kúni Qazaqstan prezidenti Qasym-Jomart Toqaev problemalyq energetikalyq aktivterdi memleket menshigine qaitarý máselesin qarastyrýdy tapsyrǵan.
30 qarashada májilis depýtaty Erlan Saiyrov Aleksandr Klebanovtyń Ekibastuz jylý-elektr ortalyǵyn 1 teńgege memleketke satýǵa ázir ekenin málimdegen.
“Ol nysandy memleket menshigine 1 teńgege berýge daiyn ekenin málimdedi. Biz bulai bolmaitynyn aittyq. Nysandy menshigine alǵan kezdegi tozý deńgeii men qazirgi tozý deńgeiin salystyryp, aiyrmashylyqty tóleý keregin jetkizdik. Ekinshiden, ol Ekibastuz turǵyndaryna moraldyq ótemaqy tóleýi kerek", – degen ol.
https://dalanews.kz/aimak/84386-astanany-orkendetude-zhudyryqtay-zhum
