"جەس پەن جەلٸلەر يەسٸنٸڭ جاۋاپكەرشٸلٸگٸنە بٶلەك توقتالعىم كەلەدٸ. قۇنسىزدانۋى 90 پايىزدان اساتىن ەكٸباستۇز جىلۋ ەلەكتر ورتالىعىن مەملەكەتكە 1 تەڭگەگە ساتۋ تۋرالى ۇسىنىستى تەكسەرۋ قاجەت", - دەدٸ توقاەۆ ٷكٸمەتتٸڭ كەڭەيتٸلگەن وتىرىسىندا.
مەملەكەت باسشىسى بۇل نىسانعا تەۋەلسٸز اۋديت جٷرگٸزۋ كەرەك ەكەنٸن اتاپ ٶتتٸ.
"توزىعى جەتكەن ورتالىقتى ٷكٸمەت تيٸمدٸ باسقارا الا ما, ەڭ الدىمەن, وسىنى انىقتاۋ كەرەك. كەسٸپورىننىڭ 50 پايىزىن الىپ, مەنشٸك يەسٸنە جىلۋ ەلەكتر ورتالىعىن كٷردەلٸ جٶندەۋدەن ٶتكٸزۋدٸ تاپسىرعان جٶن", – دەيدٸ توقاەۆ.
"ەكٸباستۇز قالاسىنىڭ تۇرعىندارىنا كەلتٸرٸلگەن شىعىندى ٶتەۋ مەنشٸك يەسٸ مەن رەسپۋبليكالىق بيۋدجەت اراسىندا بٶلٸنسٸن.
سوڭعى جىلدارى قوجايىندارى ەشنەرسە جاساماعان ەربٸر ماڭىزدى ينفراقۇرىلىمدىق نىساندى ٷكٸمەت جان-جاقتى قاراستىرىپ, شەشٸم قابىلداۋى كەرەك.
وسىنداي جۇمىستاردى وبلىس ەكٸمدەرٸ جەرگٸلٸكتٸ جەرلەردە دە جٷرگٸزەتٸن بولادى", - دەيدٸ مەملەكەت باسشىسى.
27 قاراشاعا قاراعان تٷنٸ پاۆلودار وبلىسىنداعى ەكٸباستۇز قالاسى 30 گرادۋستىق ايازدا جىلۋ ەلەكتر ورتالىعىنداعى قازاندىقتاردىڭ توقتاپ قالۋىنا بايلانىستى جىلۋسىز قالعان. 28 قاراشادا ەكٸباستۇزدا تٶتەنشە جاعداي رەجيمٸ ەنگٸزٸلدٸ. دەل وسى كٷنٸ قازاقستان پرەزيدەنتٸ قاسىم-جومارت توقاەۆ پروبلەمالىق ەنەرگەتيكالىق اكتيۆتەردٸ مەملەكەت مەنشٸگٸنە قايتارۋ مەسەلەسٸن قاراستىرۋدى تاپسىرعان.
30 قاراشادا مەجٸلٸس دەپۋتاتى ەرلان سايىروۆ الەكساندر كلەبانوۆتىڭ ەكٸباستۇز جىلۋ-ەلەكتر ورتالىعىن 1 تەڭگەگە مەملەكەتكە ساتۋعا ەزٸر ەكەنٸن مەلٸمدەگەن.
“ول نىساندى مەملەكەت مەنشٸگٸنە 1 تەڭگەگە بەرۋگە دايىن ەكەنٸن مەلٸمدەدٸ. بٸز بۇلاي بولمايتىنىن ايتتىق. نىساندى مەنشٸگٸنە العان كەزدەگٸ توزۋ دەڭگەيٸ مەن قازٸرگٸ توزۋ دەڭگەيٸن سالىستىرىپ, ايىرماشىلىقتى تٶلەۋ كەرەگٸن جەتكٸزدٸك. ەكٸنشٸدەن, ول ەكٸباستۇز تۇرعىندارىنا مورالدىق ٶتەماقى تٶلەۋٸ كەرەك", – دەگەن ول.
https://dalanews.kz/aimak/84386-astanany-orkendetude-zhudyryqtay-zhum
