Búgin Túrkistanda QR Ulttyq kitaphanasynyń direktory Bakytjamal Ospanovamen «Mahabbatym – kitap, mamandyǵym – kitaphanashy» taqyrybynda kezdesý ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qazaqstandyq kitaphanalyq odaqtyń tóraiymymen kezdesýge oblys kitaphanashylary belsene qatysty.
Benefis keshi formatyndaǵy jiyn taqyrypqa sai kórme installiatsiiasyn tanystyrýmen bastaldy. Keshti basqarma basshysynyń orynbasary Erjan Isataev ashyp berdi.
Kesh keiipkeriniń kitaphana jolynda atqaryp jatqan eńbegine toqtaldy. Sodan soń oblys ákiminiń arnaiy quttyqtaý hatyn tabystap, sáttilik tiledi.
Kezdesý barysynda ziialy qaýym ókilderiniń jáne memleket qairatkerleriniń keiipker jaily estelikteri, quttyqtaý sózderi basylǵan beine joldaýy kórsetildi. Jinalǵan kitaphanashylardyń kókeiindegi qyzyqty ári salalyq suraqtarǵa jaýap berip, óziniń eńbek joly týraly estelikterin áńgemelep berdi.
Is-sharada Baqytjamal Qaiyrbekqyzy túrkistandyq úzdik kitaphanashylarǵa Qazaqstandyq kitaphanalyq odaqtyń «Kitaphana isiniń ardageri», «Qazaqstannyń qurmetti kitaphanashysy» jáne «Kitaphana isiniń úzdigi» tósbelgilerin tabystap, óz atynan arnaiy alǵys hatpen marapattady.
Kesh sońynda «Farab» kitaphanasynyń direktory Janat Shardarbekova qorytyndy sóz alyp, búgingi keshtiń mańyzyna toqtaldy. Sondai-aq qonaqtar men qatysýshylarǵa alǵysyn bildirdi.
Aita keteiik, atalǵan mazmundy keshti oblystyq mádeniet basqarmasynyń qoldaýymen «Farab» ámbebap ǵylymi kitaphanasy uiymdastyrǵan.
