Gúlnár Karimovanyń uly, kishi Islam Karimov atasy qaza bolǵannan keiin úsh aidan soń britandyq BBC kanalynyń ózbek qyzmetine video-suhbat berdi. Ol anasynyń Tashkentte Iahio Gýliamova kóshesindegi óziniń úiinde úiqamaqta otyrǵanyn, Ulttyq qaýipsizdik komiitetiniń baqylaýynda ekenin aitady.
Ózbekstannyń eks-prezidentiniń nemeresi anasy Gúlnár Karimovanyń shetelde ekeni nemese Tashkentte bostandyqta eken degen áńgimeler shyndyqqa sai kelmeitinin aitqan.
«Meniń anamdy ustap otyrǵandar atamnyń «qolshoqparlary». Olar anamnyń bostandyqta bolǵanyn qalamaidy. Óitkeni olar óte kóp suraqqa jaýap berýlerine týra keledi, biraq endi ol suraqtarǵa eshkim dál jaýap bere almaidy», — deidi ol.
Londonda turyp jatqan Karimovtyń nemeresi anasy men onyń sińlisi Lola arasyndaǵy báskelestikti de aitqan. Osy úshin ol atasyn kinálaidy.
«Bastapqyda meniń anam men tátem arasynda jaqsy qarym-qatynas boldy. Odan keiin bolǵan jaǵdaiǵa atamnyń kinási bar. Meniń anam matematika mektebin altyn medalmen bitirip, atamnyń izin basty. Ol sportpen shuǵyldandy. Tipten shyǵys jekpe-jegi boiynsha qara belbeýi bar. Anam nemen ainalyssa, tátem ápkesin qaitalady. Atam Lolaǵa únemi ápkeńe nege uqsamaisyń dep aitýmen boldy. Qansha tyryssa da Lola anam siiaqty bola almady. Bul bizdiń otbasymyzǵa úlken ziianyn tigizdi», — deidi kishi Islam Karimov.
