Quzyrly organ kezinde Bolat Nazarbaevtyń da úlesi bolǵan Almaty aýyr mashina jasaý zaýytynyń múlkin zańsyz satý faktilerin anyqtaǵan bolatyn. Kúni búgin zaýytqa 97 turǵyn úige jatpaityn úi-jai qaitaryldy, dep jazady Dalanews.kz.
Almaty qalalyq prokýratýrasynyń qadaǵalaý aktisin oryndaý sheńberinde Memlekettik múlik jáne jekeshelendirý komiteti sotqa mámilelerdi jaramsyz dep taný týraly talap-aryzben júgindi.
"Talap-aryzdyń mazmuny atalǵan zaýytqa 37 gektar astam jer ýchaskesin jáne jalpy aýdany 79 966 sharshy metrdi quraityn 94 turǵyn uige jatpaityn úi-jaidy qaitarýǵa bailanysty", delingen qalalyq prokýratýra usynǵan resmi málimette.
Sot talapkerdiń talaptaryn qanaǵattandyrdy, apelliatsiialyq saty sheshimdi kúshinde qaldyrdy. Osylaisha kezinde Bolat Nazarbaev talan-tarajǵa sala jazdaǵan zaýyt búginderi qalpyna kelý kúiin keshýde.
Negizi, zaýyt jumysshylary sonaý 2009 jyly "bizdi taratqaly jatyr" dep dabyl qaqqan. Ol kezde Bolat Nazarbaev aktsionerlik qoǵam aktsiiasynyń 86 paiyzyna ielik etken kórinedi. Biraq ony zaýyt jumysy da, tabysy da qyzyqtyrmapty, esesine ornalasqan jeri jegi qurttai kókeiin tesken. Sóitip ol quryǵyn siltep, zaýyttyń territoriiasyn shetinen "kemire" bastaidy. Al 2023 jyly Bolat Nazarbaevtyń qolynda zaýyt aktsiiasynyń 31,9%-y bary belgili boldy. Onda da osy kezeńde Joǵary sotta is qaralady. Naqtysynda Joǵarǵy Sottyń azamattyq ister jónindegi sot alqasy Bolat Nazarbaevqa qolyndaǵy úlesti memleketke qaitarýdy mindetteidi.
"Bolat Nazarbaev pen "PLS-TM" JShS arasynda jarǵylyq kapitaldyń 31,9%-yn quraityn "Almaty aýyr mashina jasaý zaýyty" AQ ataýly aktsiialaryn satý bóliginde jasalǵan 2009 jylǵy 2 sáýirdegi baǵaly qaǵazdardy satyp alý-satý sharty jaramsyz dep tanylsyn", delingen sol kezdegi sot alqasynyń qaýlysynda.
Belgili bolǵandai, 1998 jyly aqpan aiynda Memlekettik múlik departamenti "Almaty aýyr mashina jasaý zaýyty" AQ jarǵylyq qorynyń 31,9% kólemindegi memlekettik paket aktsiialaryn "Temir Kon" JShS-ine 105,3 mln teńgege satty. Satyp alý-satý sharty zaýyt qyzmetin saqtaý, óndiris kólemin ulǵaitý týraly talaptardy, komitettiń olardyń oryndalýyn baqylaý quqyǵyn kózdedi.
2007 jyldyń sáýirinde "Temir Kon" JShS "Almaty aýyr mashina jasaý zaýyty" AQ jarǵylyq kapitalynyń 86,78% aktsiiasyn Bolat Nazarbaevqa satty. Aktsiialardyń 31,9%-y memlekettik tiesili edi. Eki jyldan soń Memlekettik múlik komiteti, "Temir Kon" JShS jáne Bolat Nazarbaev 1998 jyly jasalǵan shart boiynsha mindettemedegi tulǵalardy ózgertý týraly kelisim jasasty.
Qujatta Bolat Nazarbaev talaptardy oryndamaǵan jaidaida, onda ol memlekettik aktsiialar paketin komitetke qaitarýǵa mindetti ekendigi kórsetilgen. Biraq bul kelisim jasalǵannan keiin Bolat Nazarbaev zaýyttyń 398 myń 246 jai aktsiiasyn, onyń ishinde memlekettik paketti "PLS-TM" JShS-ge satyp jiberdi. Qaýlyda Bolat Nazarbaevtyń komitettiń kelisiminsiz "PLS TM" JShS-inen daýly aktsiialardy ielikten shyǵarýǵa quqyǵy joq ekendigi kórsetilip, bul mámile jaramsyz dep tanyldy.
