Qytaiǵa jasaǵan resmi saparynyń qorytyndysy boiynsha ótken baspasóz máslihatynda Resei prezidenti Vladimir Pýtin Ýkraina prezidenti Vladimir Zelenskiimen kezdesý ótkizýge daiyn ekenin aitty, dep habarlaidy Dalanews.kz TASS-qa silteme jasap.
Pýtinniń sózinshe, Zelenskiimen kelissóz júrgizý ideiasyn oǵan AQSh prezidenti Donald Tramp usynǵan. Osyǵan bailanysty Resei kóshbasshysy Zelenskiidi Máskeýge shaqyrdy.
"Eger Zelenskii daiyn bolsa, Máskeýge kelsin. Kezdesý ótedi", — dedi Pýtin.
Sondai-aq Resei prezidenti Donald Tramppen kezdesýdiń de áli kún tártibinde turǵanyn atap ótti.
"Ázirge naqty merzim belgilenbedi, daiyndyq júrgizilip jatqan joq. Degenmen shaqyrý kúshinde", — dedi ol.
Eske salaiyq, buǵan deiin Ýkraina prezidenti Vladimir Zelenskii Reseimen kelissózder ótkizý úshin beitarap alań retinde birneshe eldi ataǵan edi. Onyń aitýynsha, Avstriia, Shveitsariia nemese Túrkiia qolaily bolýy múmkin.
Zelenskii Máskeýde kezdesý ótkizýge úzildi-kesildi qarsy ekenin atap ótti.
Ol Túrkiiany NATO múshesi jáne Eýropanyń bir bóligi retinde qolaily nusqa dep baǵalady. Al Býdapeshtti kelissózder alańy retinde qarastyrýǵa bolmaitynyn aitty. Buǵan sebep – Vengriianyń soǵys kezinde Ýkrainany qoldamaýy jáne onyń Eýropalyq Odaqqa kirýine qarsy ustanymy.
Osylaisha Ýkraina basshysy beibit kelissózder júrgizý úshin beitarap jáne senimdi elderdi tańdaýǵa múddeli ekenin kórsetti.
