Áleýmettik jelide áldekimder qandaı da bir sanattaǵy el azamattaryna 70 myń teńge ótemaqy beriletinin aıtyp, ol úshin siltemege ótýdi suraǵan aqparat taraýda. Eńbek jáne halyqty áleýmettik qorǵaý mınıstrligi onyń feık ekenin naqtylaıdy, dep habarlaıdy Dalanews.kz.
"1949-2010 jyldar aralyǵynda týǵan Qazaqstan azamattaryna 70 000 teńge aýdarylatyny týraly áleýmettik jeliler men messendjerlerde taratylyp jatqan aqparat shyndyqqa janaspaıdy. Qarajatty aýdarý úshin belgisiz adamdar siltemege ótýdi usynady.Áleýmettik kómektiń mundaı túri joq ekenin habarlaımyz. Tıisinshe, kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin siltemege ótpeýge keńes beremiz", delingen mınıstrlik habarlamasynda.
Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylatyny naqtylanady.
"Azamattardan tek resmı kózderdegi aqparatty paıdalanýyn suraımyz. Jalǵan aqparat taratý zańmen jazalanatynyn esterińizge salamyz".
Buǵan deıin saıtymyzda "Qytaıǵa jer berilgeli jatyr ma? Mınıstrlikter jaýap berdi" degen materıal jarıalanǵan.
