«Ket» dese kete salatyn basshy kimge kerek?
Bulaisha syn aitýymyzǵa Bilim jáne ǵylym ministri Erlan Saǵadeivtiń jýrnalisterdiń áleýmettik jelide jurttyń onyń otstavkaǵa ketýin surap jatqanyn aityp, saýal tastaǵanda: «Mundai provokatsiialyq suraqtar qoimańyzdar. Ony sheshetin Prezident. Prezident aitsa ketemin», – dep bar jaýapkershilikti Prezidentke arta salǵan soń aityp otyrmyz.
Sonda bizdiń ministrler óz erikterimen jumystan da kete almai ma? Jón biletin adam bulai jaýap qaitarmasa kerek edi.
Erlan Saǵadiev bul jaýabymen Prezidenttiń abyroi-bedeline kóleńke túsirgenin bile me, eken. Ái, qaidam.
Bul áńgime demokratiiasy órkendegen Batys elderindegi jýrnalisterdiń qulaǵyna jetse, ne oilaidy? Olar bizdi baiaǵy Keńestik eski júieniń súrleý-soqpaǵymen kele jatqan el eken dep neshe túrli áńgimege erik bermei me?
Búgingi damyǵan zamanda ministr degen jaýapkershiligi zor, saiasi salmaǵy zilmaýyr qyzmet ekenin eńkeigen káriden, eńbektegen balaǵa deiin biledi. Sondyqtan olar jýrnalisterdiń árbir saýalyna baiyppen jaýap berýi kerek.
Al bizdiń ministrler bolsa, jýrnalisterdiń árbir suraǵyn provakatsiiaǵa balap, «Prezident aitsa ketemin» dep tastai qatyp, Halyq pen Prezidenttiń arasyna syna qaǵýdan árige asa almaýda. Osyndaida sanamyzda «bizdiń shendiler Konstitýttsiiany durystap oqydy ma eken» degen saýal týyndaitynyn jasyryp qaitemiz...
Bizdiń ministrler halyqtyń oi-pikirin bilmesten túrli reformalardy bastap alyp, jurttyń ashý-yzasyn týǵyzyp, sońynda Prezidenttiń aldynda eki alǵan baladai bastary salbyrap turýy qazir ádetke ainaldy. Bul durys emes. Buǵan deiin Aýyl sharýashylyǵy ministrligin basqarǵan Asyljan Mamytbekovte «ketemin» dep kete almai biraz qinalǵany esimizde. Sol bir qatelikti endi Saǵadeiv qaitalady.
Kúni keshe ǵana Memleket basshysy biraz biilikti Parlament pen atqarýshy bilikke bólip, ministrlerdiń erkin qimyldaýyna jola ashty. Al bizdiń ministrler bolsa, elimizde osyndai mańyzdy reforma júrip jatqanda «Prezident aitsa ketemin» bostyq tanytýyn qalai túsinýge bolady.
Aldaǵy ýaqytta Prezidenttiń bastamasymen qolǵa alynǵan bilik tarmaqtaryn bólý reformasy sátti júzege asýy úshin birinshi kezekte «ket» dese kete salatyn ministrlerden qutylý kerek siiaqty. Olardyń ornyna tabynynyń búri, halyq múddesi men Prezident abyroiyna syn keltirmei jumys isteitin isker azamattardy tartqan abzal. Sol kezde elimiz ósip-órkendeý jolynan ainymaityn bolady.
N.ÁÝBÁKIR.
