Freedom Broker servisi qaitadan shtattyq rejimde jumys istep tur. Bul týraly Freedom Holding Corp. CEO-sy Timýr Turlov óziniń áleýmettik jelidegi paraqshasynda jazdy, dep habarlaidy Dalanews.kz.
Onyń aitýynsha, brokerlik qyzmet qosymshasynyń barlyq negizgi fýnktsiialary kesheden bastap barshaǵa qoljetimdi, al búgin atalǵan qyzmet túri, ádettegi qarqynyna tolyǵymen oraldy. Degenmen, keibir tutynýshylarǵa qoldaý qajet bolyp qalýy múmkin.
"Dostar, áriptester! Freedom Broker ómirge tolyǵymen oraldy, barlyq negizgi operatsiialar kesheden bastap qoljetimdi. Búginderi bári standartqa sai jumys istep jatqan bolýy kerek. Klientterimizdiń jekelegen jaǵdaiyn bizdiń brokerler tyńǵylyqty jeke-dara pysyqtaityn bolady, olarǵa ýaqyt qajet bolýy múmkin", - dep jazdy Turlov jelide.
Keshirim isharaty retinde kompaniia 1-11 mamyr aralyǵynda jasalǵan mámileler úshin alynatyn brokerlik komissiianyń kúshin tolyǵymen joiý týraly sheshim qabyldady. Komissiia múldem qosylmaidy nemese operatsiialyq modelge bailanysty mamyr aiy barysynda olar keri iesine qaitarylady.
"Dúisenbide múlde jumys istemegenimiz úshin keshirim surai otyryp, biz 1 mamyrdan 11 mamyrǵa deiin klientterimizden jasaǵan mámilelerine brokerlik komissiialar almaimyz. Ol mamyr aiy boiynda qaitarylady nemese operatsiialyq modelge bailanysty múldem esepke qoiylmaidy", — dep sózin tolyqtyrady holding basshysy.
Aita ketsek, Timýr Turlovqa tiesili Freedom Broker qosymshasyn qoldanýshylar 21 sáýirde kúni boiy saýda operatsiialaryn júrgize almady. Kóp uzamai aýqymdy tehnikalyq aqaý oryn alǵany belgili boldy. Tehnikter jumysty bir táýlik ishinde qalpyna keltirýge tyrysty, biraq sinhrondaý núktesiniń bolmaýyna bailanysty barlyǵyn júieni saqtaý kóshirmesi qorynan qalpyna keltirýge týra keldi. Bul - 2008 jyldan beri tirkelgen alǵashqy jaǵdai.
