Freedom Broker سەرۆيسى قايتادان شتاتتىق رەجيمدە جۇمىس ىستەپ تۇر. بۇل تۋرالى Freedom Holding Corp. CEO-سى تيمۋر تۇرلوۆ ءوزىنىڭ الەۋمەتتىك جەلىدەگى پاراقشاسىندا جازدى، دەپ حابارلايدى Dalanews.kz.
ونىڭ ايتۋىنشا، بروكەرلىك قىزمەت قوسىمشاسىنىڭ بارلىق نەگىزگى فۋنكسيالارى كەشەدەن باستاپ بارشاعا قولجەتىمدى، ال بۇگىن اتالعان قىزمەت ءتۇرى، ادەتتەگى قارقىنىنا تولىعىمەن ورالدى. دەگەنمەن، كەيبىر تۇتىنۋشىلارعا قولداۋ قاجەت بولىپ قالۋى مۇمكىن.
"دوستار، ارىپتەستەر! Freedom Broker ومىرگە تولىعىمەن ورالدى، بارلىق نەگىزگى وپەراسيالار كەشەدەن باستاپ قولجەتىمدى. بۇگىندەرى ءبارى ستاندارتقا ساي جۇمىس ىستەپ جاتقان بولۋى كەرەك. كليەنتتەرىمىزدىڭ جەكەلەگەن جاعدايىن ءبىزدىڭ بروكەرلەر تىڭعىلىقتى جەكە-دارا پىسىقتايتىن بولادى، ولارعا ۋاقىت قاجەت بولۋى مۇمكىن"، - دەپ جازدى تۇرلوۆ جەلىدە.
كەشىرىم يشاراتى رەتىندە كومپانيا 1-11 مامىر ارالىعىندا جاسالعان مامىلەلەر ءۇشىن الىناتىن بروكەرلىك كوميسسيانىڭ كۇشىن تولىعىمەن جويۋ تۋرالى شەشىم قابىلدادى. كوميسسيا مۇلدەم قوسىلمايدى نەمەسە وپەراسيالىق مودەلگە بايلانىستى مامىر ايى بارىسىندا ولار كەرى يەسىنە قايتارىلادى.
"دۇيسەنبىدە مۇلدە جۇمىس ىستەمەگەنىمىز ءۇشىن كەشىرىم سۇراي وتىرىپ، ءبىز 1 مامىردان 11 مامىرعا دەيىن كليەنتتەرىمىزدەن جاساعان مامىلەلەرىنە بروكەرلىك كوميسسيالار المايمىز. ول مامىر ايى بويىندا قايتارىلادى نەمەسە وپەراسيالىق مودەلگە بايلانىستى مۇلدەم ەسەپكە قويىلمايدى"، — دەپ ءسوزىن تولىقتىرادى حولدينگ باسشىسى.
ايتا كەتسەك، تيمۋر تۇرلوۆقا تيەسىلى Freedom Broker قوسىمشاسىن قولدانۋشىلار 21 ساۋىردە كۇنى بويى ساۋدا وپەراسيالارىن جۇرگىزە المادى. كوپ ۇزاماي اۋقىمدى تەحنيكالىق اقاۋ ورىن العانى بەلگىلى بولدى. تەحنيكتەر جۇمىستى ءبىر تاۋلىك ىشىندە قالپىنا كەلتىرۋگە تىرىستى، ءبىراق سينحرونداۋ نۇكتەسىنىڭ بولماۋىنا بايلانىستى بارلىعىن جۇيەنى ساقتاۋ كوشىرمەسى قورىنان قالپىنا كەلتىرۋگە تۋرا كەلدى. بۇل - 2008 جىلدان بەرى تىركەلگەن العاشقى جاعداي.
