Oral qalasynda jol jóndeý jumystary daýǵa ulasty. Jergilikti turǵyndardyń aitýynsha, qala ákimdigi jazǵy maýsymdy tiimdi paidalana almai, jóndeý jumystaryn kúzdiń sońyna qarai bir-aq bastaǵan. Sonyń saldarynan keibir ýchaskelerde merdiger uiymdar asfaltty lai men sýlanǵan topyraqtyń ústine tósegeni jóninde shaǵymdar kóbeidi, dep habarlaidy Dalanews.kz.
Halyqtyń aitýy boiynsha, jol qurylysynyń mundai ádisi sapanyń tómendeýine ákelip qana qoimai, biýdjet qarajatynyń tiimsiz jumsalýyna sebep bolýy múmkin. Bul jaǵdai Prezidenttiń memlekettik qarajatty únemdi ári tiimdi paidalaný jónindegi tapsyrmasyna qaishy keletinin aitýshylar da bar.
Qazaqstan zańdarynda jol sapasyna jaýaptylarǵa qatysty qylmystyq jaýapkershilik qarastyrylǵanymen, onyń is júzinde oryndalýy sirek kezdestetini aitylýda.
