ورال قالاسىندا جول جوندەۋ جۇمىستارى داۋعا ۇلاستى. جەرگىلىكتى تۇرعىنداردىڭ ايتۋىنشا، قالا اكىمدىگى جازعى ماۋسىمدى ءتيىمدى پايدالانا الماي، جوندەۋ جۇمىستارىن كۇزدىڭ سوڭىنا قاراي ءبىر-اق باستاعان. سونىڭ سالدارىنان كەيبىر ۋچاسكەلەردە مەردىگەر ۇيىمدار اسفالتتى لاي مەن سۋلانعان توپىراقتىڭ ۇستىنە توسەگەنى جونىندە شاعىمدار كوبەيدى، دەپ حابارلايدى Dalanews.kz.
حالىقتىڭ ايتۋى بويىنشا، جول قۇرىلىسىنىڭ مۇنداي ءادىسى ساپانىڭ تومەندەۋىنە اكەلىپ قانا قويماي، بيۋدجەت قاراجاتىنىڭ ءتيىمسىز جۇمسالۋىنا سەبەپ بولۋى مۇمكىن. بۇل جاعداي پرەزيدەنتتىڭ مەملەكەتتىك قاراجاتتى ۇنەمدى ءارى ءتيىمدى پايدالانۋ جونىندەگى تاپسىرماسىنا قايشى كەلەتىنىن ايتۋشىلار دا بار.
قازاقستان زاڭدارىندا جول ساپاسىنا جاۋاپتىلارعا قاتىستى قىلمىستىق جاۋاپكەرشىلىك قاراستىرىلعانىمەن، ونىڭ ءىس جۇزىندە ورىندالۋى سيرەك كەزدەستەتىنى ايتىلۋدا.
