Búginde atalǵan bailanys túri óziniń tiimdiligin kórsete bastady. Qazirdiń ózinde Whatsapp messendjerine turǵyndar tarapynan jalpy sany 208 suraq kelip túsken. Onyń 49-na jaýap berilip, tiisti jumystar uiymdastyrylýda.
Kelip túsken suraqtardyń basym kópshiligin infraqurylymdyq máseleler qurap otyr. Atap aitsaq, 10 turǵyn tabiǵi gaz, 7 turǵyn aýyz sý, 34 azamat turǵyn úi kezegin, 10 azamat elektr energiiasyna qatysty másele aityp, shaǵymdanǵan. Sondai-aq, 24 azamat jol qiyndyǵyn kóterse, 14 turǵyn qoǵamdyq kólikke qatysty, 12 azamat qoqys máselesi jóninde shaǵymyn jetkizgen.
Aryz-shaǵym túsirgenderdiń basym kópshiligin Shymkent qalasynyń turǵyndary qurap otyr. Máselen, kelip túsken 208 suraqtyń 137-si oblys ortalyǵynyń turǵyndaryna tiesili bolyp shyqty. Ekinshi orynda 8 saýal joldaǵan Tólebi aýdanynyń turǵyndary tur.
Búgingi tańda kelip túsken ótinishterdi salalyq basqarmalardan qurylǵan jumysshy top nazarǵa alyp, nátijesin ótinish berýshige joldaýǵa daiyndaý ústinde. Eske salaiyq, oblys turǵyndary aryz-shaǵymdary boiynsha myna kórsetilgen + 7 702 198 53 23 uialy telefon nómirine tirkelgen WhatsApp Messenger-ge saýaldaryn joldaýyna bolady.
