بۇگىندە اتالعان بايلانىس ءتۇرى ءوزىنىڭ تيىمدىلىگىن كورسەتە باستادى. ءقازىردىڭ وزىندە Whatsapp مەسسەندجەرىنە تۇرعىندار تاراپىنان جالپى سانى 208 سۇراق كەلىپ تۇسكەن. ونىڭ 49-نا جاۋاپ بەرىلىپ، ءتيىستى جۇمىستار ۇيىمداستىرىلۋدا.
كەلىپ تۇسكەن سۇراقتاردىڭ باسىم كوپشىلىگىن ينفراقۇرىلىمدىق ماسەلەلەر قۇراپ وتىر. اتاپ ايتساق، 10 تۇرعىن تابيعي گاز، 7 تۇرعىن اۋىز سۋ، 34 ازامات تۇرعىن ءۇي كەزەگىن، 10 ازامات ەلەكتر ەنەرگياسىنا قاتىستى ماسەلە ايتىپ، شاعىمدانعان. سونداي-اق، 24 ازامات جول قيىندىعىن كوتەرسە، 14 تۇرعىن قوعامدىق كولىككە قاتىستى، 12 ازامات قوقىس ماسەلەسى جونىندە شاعىمىن جەتكىزگەن.
ارىز-شاعىم تۇسىرگەندەردىڭ باسىم كوپشىلىگىن شىمكەنت قالاسىنىڭ تۇرعىندارى قۇراپ وتىر. ماسەلەن، كەلىپ تۇسكەن 208 سۇراقتىڭ 137ء-سى وبلىس ورتالىعىنىڭ تۇرعىندارىنا تيەسىلى بولىپ شىقتى. ەكىنشى ورىندا 8 ساۋال جولداعان تولەبي اۋدانىنىڭ تۇرعىندارى تۇر.
بۇگىنگى تاڭدا كەلىپ تۇسكەن وتىنىشتەردى سالالىق باسقارمالاردان قۇرىلعان جۇمىسشى توپ نازارعا الىپ، ناتيجەسىن ءوتىنىش بەرۋشىگە جولداۋعا دايىنداۋ ۇستىندە. ەسكە سالايىق، وبلىس تۇرعىندارى ارىز-شاعىمدارى بويىنشا مىنا كورسەتىلگەن + 7 702 198 53 23 ۇيالى تەلەفون نومىرىنە تىركەلگەن WhatsApp Messenger-گە ساۋالدارىن جولداۋىنا بولادى.
