– Osy kúngedeiin 7 balamen baspanasyz, jaldamaly páterde turdym. Eki balam oqý oqidy, 5 balam mektepte. Jalǵyz ózimniń qolymnan kelgeninshe tyrmysyp, balalarymdy jetkizip kelemin. Endigi ózimizdiń úiimiz bar. Bul biz úshin úlken kómek boldy. Qojalyq basshylyǵyna alǵysym sheksiz, – deidi kópbalany batyr ana kózine jas alyp.
Sonymen qatar, Altynemel ulttyq memlekettik tabiǵi parkiniń bas direktory Halyq Ońǵaruly, Sembai Gúlsanat esimdi jalǵyzbasty anany úsh bólmeli keń úige kirgizdi.
– 6 jyldan astam ýaqyt jaldamaly páterde turdym. Kishi balam endi ǵana 3-ke toldy, eki balam mektepte oqidy. Týǵan-týystyń jáne osyndai ziialy azamattardyń arqasynda kúnimizdi kórip júrmiz, – dedi jas ana.
Aita ketý kerek, aýdanda naýryz aiynda bastaý alǵan qaiyrymdy shara osymen 8 birdei otbasyny baspanaly qyldy. Bul shara áli de jalǵasyn taba bermek deidi aýdan belsendileri.
