Kentaýǵa aldaǵy jyly gaz keledi
Biyl qala ishindegi ishki oramdardy saqinalaý jumystary júrip jatyr. Jalpy, qala ishin gazdandyrý jumystary úsh kezeń boiynsha júzege asady. Búgingi kúnge birinshi kezeńdegi jumystardyń 60-70 paiyzy bitken. Ekinshi, úshinshi kezeń jumystary da bastalýǵa jaqyn. Keler jyldyń sońynda gaz berý bastalady. 2020 jyldyń sońyna qarai qalany gazdandyrý isin tolyq aiaqtalady dep kútilýde. Sonymen qatar, qalaǵa qarasty Hantaǵy aýylyna da gaz qubyryn tartý jumystary júrip jatyr. Aldaǵy jyly Qarnaq, Baiyldyr, Qusshy ata eldi mekenderine gaz qubyry tartylady. Jospar boiynsha 2021 jyldyń sońynda Ashysai aýylynan basqa Kentaý aýmaǵyn tolyq gazben qamtylatyn bolady.
Kentaýda kópqabatty turǵyn úi qurylysy birazǵa deiin toqtap qalǵan bolatyn. Tek 2015 jyly 60 páterli bir kópqabatty úi salynyp, turǵyndardyń igiligine berildi. Al, biyl qalada jeti turǵyn úidiń qurylysy aiaqtaldy. Barlyǵy da 60 páterlik, 5 qabatty úiler. Páter kezeginde turǵan 120 turǵyn baspanaly boldy. Bes turǵyn úidiń qurylys jumystary aldaǵy jyly aiaqtalady.
2019 jyly 300 otbasyna páter beriledi. Odan bólek, 15 turǵyn úidiń jobalyq-smetalyq qujattamalaryn ázirlenge. Biýdjettiń qarjylandyrýyna bailanysty, kópqabatty turǵyn úi salý jumystaryn aldaǵy ýaqytta da jalǵasyn tabatyn bolady.
Dalanews.kz
