Bul kúni ondaǵy Eski Iqan aýyldyq okrýginde 2 qabatty 10 páterli qyzmettik turǵyn úı óz qojaıyndaryn tapsa, Shaǵa aýyldyq okrýgine qarasty Yntymaq aýylynda da 10 páterli 2 turǵyn úıdiń kilti berilip, bul kúni Kentaýda jalpy sany 30 páter ıelerine tabystaldy. Olar baspanaǵa oblys ákiminiń tapsyrmasymen bilikti kadrlardy aýyldarǵa tartý maqsatynda qolǵa alynǵan baǵdarlamasy aıasynda qol jetkizip otyr. Mereıli merekede úıli bolǵandardyń ishinde muǵalimder men dárigerler, jáne quqyq qorǵaý salasynyń ókilderi bar.
Oblys basshysy baspanaly bolǵan mamandarǵa páter kiltterin tabystap, quttyqtaýyn jetkizdi.
– Táýelsizdigimizdiń arqasynda elimizdiń eńsesi kóterilip keledi. Memleket basshysynyń halyqty baspanamen, jumyspen qamtýǵa arnalǵan baǵdarlamalarynyń nátıjesinde qanshama otbasy baspanaly bolyp, jumysqa ornalasýda. Búgin mine Táýelsizdigimizdiń 27 jyldyǵy qarsańynda Kentaý qalasyna qarasty Eski Iqan men Yntymaq aýylynda jas mamandarymyzǵa 30 páter berilip jatyr. Endeshe eńbekterińizge bereke, jańa baspanalaryńyzǵa qut darysyn, – dedi Janseıit Qanseıituly.
Aıta keterligi, aýyldarǵa qajetti mamandardy kóptep tartý úshin qabyldanǵan baǵdarlama boıynsha oblysymyzda 330 páterli 33 úıdiń qurylysy bastalǵan edi. Mine Táýelsizdik merekesi qarsańynda solardyń alǵashqylary paıdalanýǵa berilip otyr.
Túrkistan oblysy ákiminiń baspasóz qyzmeti
