تۇركىستان وبلىس اكىمى جانسەيىت تۇيمەبايەۆ تاۋەلسىزدىك كۇنى قارساڭىندا كەنتاۋ قالاسىندا جاڭا پاتەرلەرگە يە بولعان جاس مامانداردىڭ قۋانىشىمەن بولىسۋگە باردى.

بۇل كۇنى ونداعى ەسكى يقان اۋىلدىق وكرۋگىندە 2 قاباتتى 10 پاتەرلى قىزمەتتىك تۇرعىن ءۇي ءوز قوجايىندارىن تاپسا، شاعا اۋىلدىق وكرۋگىنە قاراستى ىنتىماق اۋىلىندا دا 10 پاتەرلى 2 تۇرعىن ءۇيدىڭ كىلتى بەرىلىپ، بۇل كۇنى كەنتاۋدا جالپى سانى 30 پاتەر يەلەرىنە تابىستالدى.  ولار باسپاناعا وبلىس اكىمىنىڭ تاپسىرماسىمەن بىلىكتى كادرلاردى اۋىلدارعا تارتۋ ماقساتىندا قولعا الىنعان باعدارلاماسى اياسىندا قول جەتكىزىپ وتىر. مەرەيلى مەرەكەدە ءۇيلى بولعانداردىڭ ىشىندە مۇعالىمدەر مەن دارىگەرلەر، جانە قۇقىق قورعاۋ سالاسىنىڭ وكىلدەرى بار.

وبلىس باسشىسى باسپانالى بولعان ماماندارعا پاتەر كىلتتەرىن تابىستاپ، قۇتتىقتاۋىن جەتكىزدى.

– تاۋەلسىزدىگىمىزدىڭ ارقاسىندا ەلىمىزدىڭ ەڭسەسى كوتەرىلىپ كەلەدى. مەملەكەت باسشىسىنىڭ حالىقتى باسپانامەن، جۇمىسپەن قامتۋعا ارنالعان باعدارلامالارىنىڭ ناتيجەسىندە قانشاما وتباسى باسپانالى بولىپ، جۇمىسقا ورنالاسۋدا. بۇگىن مىنە تاۋەلسىزدىگىمىزدىڭ 27 جىلدىعى قارساڭىندا كەنتاۋ قالاسىنا قاراستى ەسكى يقان مەن ىنتىماق اۋىلىندا جاس ماماندارىمىزعا 30 پاتەر بەرىلىپ جاتىر. ەندەشە ەڭبەكتەرىڭىزگە بەرەكە، جاڭا باسپانالارىڭىزعا قۇت دارىسىن، – دەدى جانسەيىت قانسەيىت ۇلى.

ايتا كەتەرلىگى، اۋىلدارعا قاجەتتى مامانداردى كوپتەپ تارتۋ ءۇشىن قابىلدانعان باعدارلاما بويىنشا وبلىسىمىزدا 330 پاتەرلى 33 ءۇيدىڭ قۇرىلىسى باستالعان ەدى. مىنە تاۋەلسىزدىك مەرەكەسى قارساڭىندا سولاردىڭ العاشقىلارى پايدالانۋعا بەرىلىپ وتىر.



تۇركىستان وبلىسى اكىمىنىڭ باسپا ءسوز قىزمەتى