– Aǵymdaǵy jyldyń 10 aıynda Kentaý qalasy boıynsha 7 kóp qabatty turǵyn úı kesheniniń qurylys jumystary júrgizildi. Onyń ishinde 2 nysan, atap aıtqanda jalpy quny 898 mln.teńgelik aýdany 7294 sharshy metrdi quraıtyn 120 páter qarasha aıynda tolyǵymen qabyldanyp, paıdalanýǵa berildi. 5 nysan (300 páter 2 mlrd. 340,8 mln.teńge, aýdany 16 620 sh.m.) 2019 jylǵa ótpeli. Kópqabatty turǵyn úı kesheniniń jalpy smetalyq quny 3 238,8 mln.teńgeni quraıdy, – dedi Ábdibaqyt Tillábaıuly.
Sonymen qatar, aǵymdaǵy jyly 5 dana 2 qabatty qyzmettik úı qurylysy bastalyp, jyl sońyna deıin paıdalanýǵa tapsyrylady. Ondaǵy páterler sany – 54, jalpy aýdany – 2296,84 sharshy metr. Sondaı-aq, 10 dana 5 qabatty 60 páterli turǵyn úıdiń jobasy ázirlenip, 2019 jyly qurylys jumystaryn bastaý josparlanýda. Ondaǵy páter sany – 600, al jalpy aýdany –33 470 sharshy metrdi quraıdy.
Aıta keterligi, Kentaý qalasynda Elbasy tapsyrmasyn sáıkes, komýnaldyq tólem baǵalary aıtarlyqtaı tómendegen. Máselen, aýyz-sý – 9-11 paıyzǵa, qoqys shyǵarý – 9-10 paıyzǵa, jylý –24 paıyzǵa arzandap otyr.
«Qaladaǵy 334 kóp qabatty, 2121 jeke turǵyn úı jáne 102 búdjettik mekeme tolyq ortalyqtandyrylǵan jylýmen qamtamasyz etilýde. Stansıanyń qatty otyn qoryn jasaqtaýǵa búdjet esebinen 497,7 mln. teńgege 49334,9 tonna qatty otyn alynyp, tasymaldandy.
Infraqurylym boıynsha Kentaý qalasy jáne oǵan qarasty aýyl turǵyndary 24 saǵat, Ashysaı aýyly ǵana 12 saǵat aýyz sýmen qamtamasyz etilgen. Sondaı-aq, Kentaý qalasyn tabıǵı gazben qamtamasyz etý maqsatynda oblystyq búdjetten jalpy quny 1003,2 mln.teńge qarjy qaralyp, jumystar atqarylýda. Qalanyń 5 ishki kóshelerin ortasha jóndeý jumystaryna 58 mln.teńge bólinip, 2,5 shaqyrym jol jóndeldi. Sondaı-aq, 27,6 mln.teńgege kópqabatty turǵyn úılerdiń aýlalaryndaǵy 9,1 sharshy metr jol jóndeýden ótti.
Túrkistan oblysy ákiminiń baspasóz qyzmeti
