– اعىمداعى جىلدىڭ 10 ايىندا كەنتاۋ قالاسى بويىنشا 7 كوپ قاباتتى تۇرعىن ءۇي كەشەنىنىڭ قۇرىلىس جۇمىستارى جۇرگىزىلدى. ونىڭ ىشىندە 2 نىسان، اتاپ ايتقاندا جالپى قۇنى 898 ملن.تەڭگەلىك اۋدانى 7294 شارشى مەتردى قۇرايتىن 120 پاتەر قاراشا ايىندا تولىعىمەن قابىلدانىپ، پايدالانۋعا بەرىلدى. 5 نىسان (300 پاتەر 2 ملرد. 340،8 ملن.تەڭگە، اۋدانى 16 620 ش.م.) 2019 جىلعا وتپەلى. كوپقاباتتى تۇرعىن ءۇي كەشەنىنىڭ جالپى سمەتالىق قۇنى 3 238،8 ملن.تەڭگەنى قۇرايدى، – دەدى ءابدىباقىت ءتىللاباي ۇلى.
سونىمەن قاتار، اعىمداعى جىلى 5 دانا 2 قاباتتى قىزمەتتىك ءۇي قۇرىلىسى باستالىپ، جىل سوڭىنا دەيىن پايدالانۋعا تاپسىرىلادى. ونداعى پاتەرلەر سانى – 54، جالپى اۋدانى – 2296،84 شارشى مەتر. سونداي-اق، 10 دانا 5 قاباتتى 60 پاتەرلى تۇرعىن ءۇيدىڭ جوباسى ازىرلەنىپ، 2019 جىلى قۇرىلىس جۇمىستارىن باستاۋ جوسپارلانۋدا. ونداعى پاتەر سانى – 600، ال جالپى اۋدانى –33 470 شارشى مەتردى قۇرايدى.
ايتا كەتەرلىگى، كەنتاۋ قالاسىندا ەلباسى تاپسىرماسىن سايكەس، كوممۋنالدىق تولەم باعالارى ايتارلىقتاي تومەندەگەن. ماسەلەن، اۋىز-سۋ – 9-11 پايىزعا، قوقىس شىعارۋ – 9-10 پايىزعا، جىلۋ –24 پايىزعا ارزانداپ وتىر.
«قالاداعى 334 كوپ قاباتتى، 2121 جەكە تۇرعىن ءۇي جانە 102 بيۋدجەتتىك مەكەمە تولىق ورتالىقتاندىرىلعان جىلۋمەن قامتاماسىز ەتىلۋدە. ستانسيانىڭ قاتتى وتىن قورىن جاساقتاۋعا بيۋدجەت ەسەبىنەن 497،7 ملن. تەڭگەگە 49334،9 توننا قاتتى وتىن الىنىپ، تاسىمالداندى.
ينفراقۇرىلىم بويىنشا كەنتاۋ قالاسى جانە وعان قاراستى اۋىل تۇرعىندارى 24 ساعات، اششىساي اۋىلى عانا 12 ساعات اۋىز سۋمەن قامتاماسىز ەتىلگەن. سونداي-اق، كەنتاۋ قالاسىن تابيعي گازبەن قامتاماسىز ەتۋ ماقساتىندا وبلىستىق بيۋدجەتتەن جالپى قۇنى 1003،2 ملن.تەڭگە قارجى قارالىپ، جۇمىستار اتقارىلۋدا. قالانىڭ 5 ىشكى كوشەلەرىن ورتاشا جوندەۋ جۇمىستارىنا 58 ملن.تەڭگە ءبولىنىپ، 2،5 شاقىرىم جول جوندەلدى. سونداي-اق، 27،6 ملن.تەڭگەگە كوپقاباتتى تۇرعىن ۇيلەردىڭ اۋلالارىنداعى 9،1 شارشى مەتر جول جوندەۋدەن ءوتتى.
تۇركىستان وبلىسى اكىمىنىڭ باسپا ءسوز قىزمەتى
