Kentaýda ardagerler keńesiniń kezekti plenýmy ótti
Kún tártibine sáikes qalalyq ardagerler keńesiniń tóraǵasy Isahan Jumabaev baiypty baiandama jasap, 9 aida atqarylǵan jumystardyń esebin berdi.
– Jyl saiyn dástúrge ainalǵan soǵys ardagerleriniń ótinishteri túgel qanaǵattandyrylyp otyr. Birde bir aryz shaǵym nazardan tys qalǵan emes. Ardagerlerdiń turmys jaǵdaiyn jaqsartý jyl ótken saiyn jetildirile túsýde.
UOS ardagerleri, tyl jáne eńbek ardagerleri, teńestirilgen jandardyń densaýlyqtaryn nyǵaitý maqsatynda ýaqytyna shipajailarǵa jiberiledi. Ardagerler úiinde egde kisilerdiń ýaqytyn tiimdi ótkizýlerine qolaily jaǵdai jasalǵan. Shahmat, shashka, domino, biliard, toǵyz-qumalaq oiyndaryn turaqty túrde oinaýǵa múmkindik bar. Elbasynyń «Bolashaqqa baǵdar: Rýhani jańǵyrý» baǵdarlamalyq maqalasy aiasynda kieli jerlerge saiahattap otyrady, – degen Isahan Jumabaiuly ózge de atqarylyp jatqan jumystarǵa keń kólemde toqtalyp ótti.
«Ardagerler uiymy» qoǵamdyq birlestiginiń qalalyq keńesi árqashan zaman aǵymymen qatar eńbek etip, qalanyń saiasi-áleýmettik damýynan tys qalǵan emes. Qai kezde bolmasyn ardagerlerge qatysty máselelerdiń durys sheshimin taýyp, qala ákimdigimen ózara túsinistikte qyzmet etýde jáne bar qyzmetinde ákimdiktiń qoldaýyna súienedi.
Jiyn barysynda qalalyq Ardagerler keńesiniń músheleri jaryssózge shyǵyp, óz oi pikirlerin bildirdi. Atap aitar bolsaq, Orynbasar Qisyqov, Jumabek Qoishiev, Dúisenbai Paiziev, Sabyrjan Iýsýpov, Seidýlla Adyrshaev keńestiń atqaryp jatqan jumystaryn joǵary baǵalap, ózindik usynystaryn bildirdi.
Al, Kentaýdyń ereksheligine toqtalyp ótken oblystyq ardagerler keńesiniń tóraǵasy Jeńisbek Máýlenqulov ardagerlerdi eldiń yntymaq, birligin saqtaýda talmai eńbektenýge shaqyrdy.
– Qalanyń abattandyrylǵany erekshe kóńil kúi syilaidy. Kentaý halqy keleshekke degen úmit artyp, jaqsy tirshilikke degen qadam basýda. Bunyń barlyǵy jaqsylyqtyń nyshany. Kentaý halqynyń ómirge degen kózqarasy, mádenieti, kishipeiildiligi men izeti joǵary. Kentaý búgin ǵana qurylǵan qala emes. Bul tarihy tereń qala, Keńes Odaǵynyń jaqsy jaǵynan tanylmal bolǵan rekordtar qalasy. Endigi jerde ardagerler eldiń yntymaǵy men birliginiń berik bolyp qalyptasýyna jumyla jumys isteý kerek. Joqtan bardy shyǵaryp, áńgime aitatyn aǵalar bar. Onyń túkke qajeti joq. Sondyqtan eldik máselelerge kóp kóńil bólińizder, – dedi.
Jiyndy qorytyndylaǵan qala ákimi Ábdibaqyt Maqulbaev qala ardagerleriniń máselesi eshýaqytta nazardan tys qalmaityndyǵyn atap ótti.
– Tálim tárbie máselesi, ulttyq qundylyqty saqtaý, dáripteý, ulyqtaý isinde oblysymyzdaǵy ardagerler keńesi óte úlken jumys jasap jatyr. Bizdiń qalamyzdaǵy ardagerlerimiz óte belsendi. Árdaiym qalanyń damý barysyn talqylap otyrady. Ardagerlerimiz yntymaqta jumys jasasa kez kelgen aýylda, óńirde barlyq negizgi máseleler oń sheshimin taýyp otyratyny anyq, – dedi.
Pleným barysynda qaladaǵy qoǵamdyq isterge belsendi qatysyp, eldegi bereke men birliktiń artýyna ózindik úles qosqan birshama keńes músheleri alǵys hattarmen marapattaldy.
«Dalanews» aqparat
