Shahar basshysynyń aıtýynsha, aǵymdaǵy jyldyń 10 aıynyń qorytyndysymen qalanyń jalpy ónim kólemi 87 mlrd. 313 mln.teńgeni qurap, ótken jyldyń sáıkes kezeńimen salystyrǵanda 2,6 ese artqan.
«Negizgi kapıtalǵa tartylǵan ınvestısıa kólemi 12 mlrd. 315,4 mln. teńgege jetip, naqty kólem ındeksi 160 paıyzdy qurady. Kentaý qalasyna 12 aýyl okrýgteriniń qosylýymen 2018 jyldyń 10 aıynda qoldanystaǵy shaǵyn orta kásipkerlik sýbektileriniń sany – 6784 birlikke jetip, 2,5 ese ósken. Shaǵyn bıznes sýbektileriniń osy kezeńde óndirgen ónimderi men jasaǵan qyzmetteriniń jalpy sommasy – 61 mlrd. 134,8 mln. teńgeni qurady», – dedi Ábdibaqyt Tillábaıuly.
Kentaý qalasy boıynsha 2015-2019 jyldary óńirler kásipkerligin qoldaý kartasyna jalpy quny – 64 mlrd. 41,5 mln.teńge 5 joba engizilip, 4 joba tolyǵymen iske asyryldy. Onyń ishinde: «IýgElektroPrıvod» JSHS – «Toq jáne kerneý ajyratqyshtaryn, aıyrǵyshtaryn, ólshegish transformatorlaryn shyǵarý» jobasy; «Elektrodetal» JSHS «35-110-220 transformatorlar úshin metalqurylymdar jasaıtyn jáne elektrooqshaýlar bólshekterin shyǵarý» jobasy; «Statýs Everest» JSHS – «PET, PP, PE» qatty qaldyqtardy qaıta óńdeý» jobasy; «Vostok Minerals» JSHS – «Barıt ónimderin óńdeý» jobasy; «GRK «Metalınvest» JSHS-niń «Barıt konsentratynyń óndirisimen Ansaı ken orynynyń barıt kenine ónerkásiptik qazba jumystaryn júrgizý» jobasy.
Budan ózge, Kentaý qalasyndaǵy ındýstrıaldy aımaqtyń jalpy aýdany 25 gektardy quraıdy. Onda 5 jobany iske asyrý josparlanyp, 2 joba tolyǵymen júzege asyryldy. 4,3 gektar aýmaqta ınjenerlik ınfraqurylym ornalasqan, 15,55 ga jer telimi rezervte. Búgingi tańǵa ındýstrıaldy aımaqta 2 joba tolyq iske asyrylǵan. Olar: Kentaý qalasy boıynsha 2015-2019 jyldary óńirler kásipkerligin qoldaý kartasy aıasynda iske qosylǵan «IýgElektroPrıvod» JSHS jáne «Elektrodetal» JSHS.
Túrkistan oblysy ákiminiń baspasóz qyzmeti
