شاھار باسشىسىنىڭ ايتۋىنشا، اعىمداعى جىلدىڭ 10 ايىنىڭ قورىتىندىسىمەن قالانىڭ جالپى ءونىم كولەمى 87 ملرد. 313 ملن.تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 2،6 ەسە ارتقان.
«نەگىزگى كاپيتالعا تارتىلعان ينۆەستيسيا كولەمى 12 ملرد. 315،4 ملن. تەڭگەگە جەتىپ، ناقتى كولەم يندەكسى 160 پايىزدى قۇرادى. كەنتاۋ قالاسىنا 12 اۋىل وكرۋگتەرىنىڭ قوسىلۋىمەن 2018 جىلدىڭ 10 ايىندا قولدانىستاعى شاعىن ورتا كاسىپكەرلىك سۋبەكتىلەرىنىڭ سانى – 6784 بىرلىككە جەتىپ، 2،5 ەسە وسكەن. شاعىن بيزنەس سۋبەكتىلەرىنىڭ وسى كەزەڭدە وندىرگەن ونىمدەرى مەن جاساعان قىزمەتتەرىنىڭ جالپى سومماسى – 61 ملرد. 134،8 ملن. تەڭگەنى قۇرادى»، – دەدى ءابدىباقىت ءتىللاباي ۇلى.
كەنتاۋ قالاسى بويىنشا 2015-2019 جىلدارى وڭىرلەر كاسىپكەرلىگىن قولداۋ كارتاسىنا جالپى قۇنى – 64 ملرد. 41،5 ملن.تەڭگە 5 جوبا ەنگىزىلىپ، 4 جوبا تولىعىمەن ىسكە اسىرىلدى. ونىڭ ىشىندە: «يۋگەلەكتروپريۆود» ج ش س – «توق جانە كەرنەۋ اجىراتقىشتارىن، ايىرعىشتارىن، ولشەگىش ترانسفورماتورلارىن شىعارۋ» جوباسى؛ «ەلەكترودەتال» ج ش س «35-110-220 ترانسفورماتورلار ءۇشىن مەتاللقۇرىلىمدار جاسايتىن جانە ەلەكترووقشاۋلار بولشەكتەرىن شىعارۋ» جوباسى؛ «ستاتۋس ەۆەرەست» ج ش س – «پەت، پپ، پە» قاتتى قالدىقتاردى قايتا وڭدەۋ» جوباسى؛ «Vostok Minerals» ج ش س – «باريت ونىمدەرىن وڭدەۋ» جوباسى؛ «گرك «مەتاللينۆەست» ءجشس-نىڭ «باريت كونسەنتراتىنىڭ وندىرىسىمەن انساي كەن ورىنىنىڭ باريت كەنىنە ونەركاسىپتىك قازبا جۇمىستارىن جۇرگىزۋ» جوباسى.
بۇدان وزگە، كەنتاۋ قالاسىنداعى يندۋستريالدى ايماقتىڭ جالپى اۋدانى 25 گەكتاردى قۇرايدى. وندا 5 جوبانى ىسكە اسىرۋ جوسپارلانىپ، 2 جوبا تولىعىمەن جۇزەگە اسىرىلدى. 4،3 گەكتار اۋماقتا ينجەنەرلىك ينفراقۇرىلىم ورنالاسقان، 15،55 گا جەر تەلىمى رەزەرۆتە. بۇگىنگى تاڭعا يندۋستريالدى ايماقتا 2 جوبا تولىق ىسكە اسىرىلعان. ولار: كەنتاۋ قالاسى بويىنشا 2015-2019 جىلدارى وڭىرلەر كاسىپكەرلىگىن قولداۋ كارتاسى اياسىندا ىسكە قوسىلعان «يۋگەلەكتروپريۆود» ج ش س جانە «ەلەكترودەتال» ج ش س.
تۇركىستان وبلىسى اكىمىنىڭ باسپا ءسوز قىزمەتى
