Memleket basshysy Nursultan Nazarbaevtyń 2018 jyldyń 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna arnaǵan Joldaýynyń úshinshi tarmaǵynda: «Quqyq qorǵaý organdarynyń jumysyna tereń jáne sapaly ózgerister qajet. Qaýipsizdik turmys sapasynyń ajyramas bóligi bolyp sanalady» dep atalǵan bolatyn.

Osy oraıda, 2018 jyldyń 21 qarasha kúni Túrkistan oblysy Kentaý qalasynda Sh.Qaldaıaqov atyndaǵy mádenıet saraıynyń májilis zalynda aǵymdaǵy jyldyń 10 aıynda Kentaý qalasynyń polısıa bóliminiń qyzmetkerlermen atqarǵan jedel jumystarynyń qorytyndysy týraly halyqqa esep berý jıyny ótti.

Kentaý qalasynyń ákimi Á.Maqulbaev tóraǵalyq etken jıynǵa Kentaý qalasynyń prokýrory T.Seıdýalıev, Kentaý qalalyq maslıhat hatshysy T.Balabıev, Túrkistan oblysy PD ÁPB bastyǵynyń orynbasary polısıa polkovnıgi Ǵ.Esimov, Baıyldyr, Qarnaq, Qantaǵy eldi mekenderiniń jáne qala turǵyndary, Bólim bastyǵynyń orynbasarlary jáne jeke quram qyzmetkerleri. Jıynǵa jalpy 170 jýyq adam qatysty. Jıynda Kentaý qalasy polısıa bóliminiń bastyǵy polısıa podpolkovnıgi Taspolatov Erlan Nurǵalıulynyń baıandamasy tyńdaldy. Jıynǵa qatysýshylardyń taraptarynan suraqtar qoıylyp, jaýap berildi. Sonymen qatar, jıynda aıtylǵan usynystardyń oryndalýy Kentaý qalasy polısıa bóliminiń basshylary men eldi mekenderdiń ákimderine baqylaýǵa alyndy.

 

 

Dalanews.kz