Sharýaqojalyq ıesi Anýar Myrzaev 25 jyldan beri baý-baqsha ósirýmen aınalysyp keledi. Óziniń mamandyǵy – agronom. Baý-baqshada almanyń 20 túri, óriktiń 10 túri, shabdalynyń 12 túri, almurttyń 6 túri, chereshnányń 2 túri, qara óriktiń 5 túri, júzimniń 5 túri, anar jemisteri otyrǵyzylǵan. Kókónisten kartop, pıaz ósirip, barlyǵyn satylymǵa shyǵarady.
Sonymen qatar, raýshan gúliniń birneshe túri men shyrsha taldarynyń erekshe suryptary bar.
Jalpy, 8 gektardy alyp jatqan sharýaqojalyqtyń 1,5 gektarynda balyq sharýashylyǵy qolǵa alynǵan. Qazirgi tańda, kólshikterge balyqtyń shabaqtary jiberilgen.
– Aldaǵy maqsatym – balyq sharýashylyǵynyń mańaıyna demalys aımaqtar salý. Arnaıy kóshet taldaryn egýge arnalǵan jerimdi keńeıtý. Eńbek bar jerde bereke bolady. Ár adam óz aýlasyn baqshaǵa aınaldyryp, ónim alýǵa múmkindikteri bar. Men tipti keńes berýge de ázirmin, – deıdi sharýaqojalyq ıesi.
Erekshe suryptaǵy jemis-jıdekterdiń kóshetterin Anýar Myrzaev arnaıy ózi egip, ázirleıdi. Tipti jan-jaqtan satyp alýǵa usynys bildirýshiler kóp. Shyqqan ónimderin Kentaýdan bólek, Shymkent, Túrkistan, Jezqazǵan, Qaraǵandy, Astana qalalaryna jiberedi. Qaramaǵynda búgingi tańda 25 aýyl turǵyny jumys isteıdi.
