شارۋاقوجالىق يەسى انۋار مىرزايەۆ 25 جىلدان بەرى باۋ-باقشا وسىرۋمەن اينالىسىپ كەلەدى. ءوزىنىڭ ماماندىعى – اگرونوم. باۋ-باقشادا المانىڭ 20 ءتۇرى، ورىكتىڭ 10 ءتۇرى، شابدالىنىڭ 12 ءتۇرى، المۇرتتىڭ 6 ءتۇرى، چەرەشنيانىڭ 2 ءتۇرى، قارا ورىكتىڭ 5 ءتۇرى، ءجۇزىمنىڭ 5 ءتۇرى، انار جەمىستەرى وتىرعىزىلعان. كوكونىستەن كارتوپ، پياز ءوسىرىپ، بارلىعىن ساتىلىمعا شىعارادى.
سونىمەن قاتار، راۋشان گ ۇلىنىڭ بىرنەشە ءتۇرى مەن شىرشا تالدارىنىڭ ەرەكشە سۇرىپتارى بار.
جالپى، 8 گەكتاردى الىپ جاتقان شارۋاقوجالىقتىڭ 1،5 گەكتارىندا بالىق شارۋاشىلىعى قولعا الىنعان. قازىرگى تاڭدا، كولشىكتەرگە بالىقتىڭ شاباقتارى جىبەرىلگەن.
– الداعى ماقساتىم – بالىق شارۋاشىلىعىنىڭ ماڭايىنا دەمالىس ايماقتار سالۋ. ارنايى كوشەت تالدارىن ەگۋگە ارنالعان جەرىمدى كەڭەيتۋ. ەڭبەك بار جەردە بەرەكە بولادى. ءار ادام ءوز اۋلاسىن باقشاعا اينالدىرىپ، ءونىم الۋعا مۇمكىندىكتەرى بار. مەن ءتىپتى كەڭەس بەرۋگە دە ءازىرمىن، – دەيدى شارۋاقوجالىق يەسى.
ەرەكشە سۇرىپتاعى جەمىس-جيدەكتەردىڭ كوشەتتەرىن انۋار مىرزايەۆ ارنايى ءوزى ەگىپ، ازىرلەيدى. ءتىپتى جان-جاقتان ساتىپ الۋعا ۇسىنىس بىلدىرۋشىلەر كوپ. شىققان ونىمدەرىن كەنتاۋدان بولەك، شىمكەنت، تۇركىستان، جەزقازعان، قاراعاندى، استانا قالالارىنا جىبەرەدى. قاراماعىندا بۇگىنگى تاڭدا 25 اۋىل تۇرعىنى جۇمىس ىستەيدى.
