«Nur Otan» partiiasy Túrkistan oblystyq filialynda keńes músheleriniń qatysýymen keńeitilgen májilis ótti. Jiynǵa oblys ákiminiń orynbasary Sáken Qalqamanov jáne aýdan, qala ákimderiniń orynbasarlary men áleýmettik salaǵa jaýapty mamandar qatysty.
«Nur Otan» partiiasy janyndaǵy balalardyń quqyqtaryn qorǵaý jónindegi keńesiniń konsýltanty, oblysqa kelgen jumysshy toptyń jetekshisi Rysty Jumabekova úsh kún boiynda júrgizilgen jumystarmen tanystyrdy:
– Maqsatymyz – kemshilikterdi túzetip, jaqsylyqtardy úlgi etý. Jalpy, óńirde úlken serpilis bar. Jańadan qurylyp jatqan oblys bolǵandyqtan bolar, halyqtyń kóńil kúii de keremet. Jaqsylyqqa, órleýge degen ynta baiqadyq. Degenmen, birshama kemshilikter de joq emes. Ár bir sala boiynsha mamandardan komissiia quryp, taǵy bir ret aýdan, qalalardy aralap shyǵyńyzdar. Halyqtyń arasynda júrip, muńyn tyńdap, qýanyshymen bólisip jasaǵan jumystyń da jaqsylyǵy kóp bolady, – dedi Rysty Maǵaýiiaqyzy. Sondai-aq, Túrkistan oblysyndaǵy mekteptere qolǵa alynǵan igi bastamany respýblikalyq deńgeige kóterý kerektigin aitty:
– Ár synyp jetekshisiniń qasyna bala quqyǵymen, tárbiesimen ainalysatyn kómekshi qosyp berý bul úlken bastama. Endi osy jumysty jandandyryp, ármen qarai jalǵastyrý qajet – dedi.
Jumysshy top músheleri aýdan, qalalardaǵy áleýmettik nysandardy aralaý barysynda oryn alǵan jaǵdailardy baiandady.
«Nur Otan» partiiasy janyndaǵy balalardyń quqyqtaryn qorǵaý jónindegi keńesiniń konsýltanty, top jetekshisi Mansiia Iskazina, QR DSM Jastar jáne otbasylyq ister jónindegi komiteti bóliminiń bastyǵy Azamat Belqairov, QR Ishki ister ministrliginiń iývenaldy politsiia jáne áielderdi zorlyq-zombylyqtan qorǵaý departamentiniń aǵa inspektory Rústem Quttybaev atqarylǵan isterge sipattama berdi.
Áleýmettik nysandardaǵy materialdyq jaǵdailardy jaqsartý boiynsha usynystaryn aitty.
Jiyn barysynda árbir aýdan, qala ákiminiń orynbasarlary men bilim berý bóliminiń basshylary tyńdaldy.
Oblys ákiminiń orynbasary S.Qalqamanov aldaǵy ýaqytta balalardyń bolashaǵyna baiyppen qaraý baǵyty boiynsha tiisti jumystar uiymdastyrylyp, kóshbasshy partiiamen birge arnaiy jobalar iske asatyndyǵyn aitty.
Oblystyq adami áleýetti damytý basqarmasy tiisti mekemelermen birlese otyryp, balalar quqyǵyn qorǵaý baǵytynda arnaiy is-sharalar josparyn ázirleý kerektigin tapsyrdy.
«Nur Otan» partiiasy Túrkistan oblystyq filialynyń baspasóz qyzmeti
