Kelestiń halyq teatry 40 jyldyq mereitoiyn atap ótti
Keles halyq teatrynyń 40 jyldyǵyna arnalǵan «Teatr – meniń ómirim» atty merekelik is-sharasy bolyp ótti. Merekelik is-sharaǵa Keles aýdanynyń ákimi Aqmentai Esbaev, aýdandyq máslihat hatshysy Aryn Totikov, Keles halyq teatryna eńbegi sińgen ardager óner maitalmandarymen qatar aýdan turǵyndary men qadirli qonaqtar qatysty.
Mádeni shara barysynda teatr tarihynan syr shertetin kórme uiymdastyrylyp, teatr jetekshisi Jangeldi Myrzalievtiń rejiserligimen Bolat Uzaqovtyń «Jan daýa» spektakli Keles halyq teatrynyń 40 jyldyq mereitoiyna arnaiy sahnalandyryldy.
Óz kezeginde aýdan ákimi Aqmentai Esbaev halyq teatr ataǵy, teatr tarihynda altyn áriptermen jazylatyn óner maitalmandarynyń eren eńbeginiń arqasynda kelgenin aityp ótti. Sondai-aq, aldaǵy ýaqytta sol eńbektengen azamattardyń beineti baǵalanyp, aýdan ákimdigi tarapynan teatrdyń damýyna mindetti túrde qoldaý bolatynyn alǵa tartty.
Aýdan ákimi teatrǵa eńbegi sińgen óner tarlandaryna arnaiy Alǵys hatyn tabystady. Al aýdandyq máslihat hatshysy Aryn Orynbekuly da aitýly merekede teatr ujymyn quttyqtap, arnaiy Alǵys hatymen marapattady. Sonymen qosa, mereitoi ielerine oblystyq Mádeniet jáne halyq shyǵarmashylyǵy ortalyǵy men Saryaǵash aýdany ákimdiginiń arnaiy alǵys hattary tabystaldy. Merekelik mereitoi barysynda teatr ártisteri tarapynan ásem án joldanyp, kórermenderdiń yqylasyna bólendi.
Dalanews.kz
