كەلەس حالىق تەاترىنىڭ 40 جىلدىعىنا ارنالعان «تەاتر – مەنىڭ ءومىرىم» اتتى مەرەكەلىك ءىس-شاراسى بولىپ ءوتتى. مەرەكەلىك ءىس-شاراعا كەلەس اۋدانىنىڭ اكىمى اقمەنتاي ەسبايەۆ، اۋداندىق ءماسليحات حاتشىسى ارىن توتيكوۆ، كەلەس حالىق تەاترىنا ەڭبەگى سىڭگەن ارداگەر ونەر مايتالماندارىمەن قاتار اۋدان تۇرعىندارى مەن ءقادىرلى قوناقتار قاتىستى.
مادەني شارا بارىسىندا تەاتر تاريحىنان سىر شەرتەتىن كورمە ۇيىمداستىرىلىپ، تەاتر جەتەكشىسى جانگەلدى مىرزالييەۆتىڭ رەجيسەرلىگىمەن بولات ۇزاقوۆتىڭ «جان داۋا» سپەكتاكلى كەلەس حالىق تەاترىنىڭ 40 جىلدىق مەرەيتويىنا ارنايى ساحنالاندىرىلدى.
ءوز كەزەگىندە اۋدان اكىمى اقمەنتاي ەسبايەۆ حالىق تەاتر اتاعى، تەاتر تاريحىندا التىن ارىپتەرمەن جازىلاتىن ونەر مايتالماندارىنىڭ ەرەن ەڭبەگىنىڭ ارقاسىندا كەلگەنىن ايتىپ ءوتتى. سونداي-اق، الداعى ۋاقىتتا سول ەڭبەكتەنگەن ازاماتتاردىڭ بەينەتى باعالانىپ، اۋدان اكىمدىگى تاراپىنان تەاتردىڭ دامۋىنا مىندەتتى تۇردە قولداۋ بولاتىنىن العا تارتتى.
اۋدان اكىمى تەاترعا ەڭبەگى سىڭگەن ونەر تارلاندارىنا ارنايى العىس حاتىن تابىستادى. ال اۋداندىق ءماسليحات حاتشىسى ارىن ورىنبەك ۇلى دا ايتۋلى مەرەكەدە تەاتر ۇجىمىن قۇتتىقتاپ، ارنايى العىس حاتىمەن ماراپاتتادى. سونىمەن قوسا، مەرەيتوي يەلەرىنە وبلىستىق مادەنيەت جانە حالىق شىعارماشىلىعى ورتالىعى مەن سارىاعاش اۋدانى اكىمدىگىنىڭ ارنايى العىس حاتتارى تابىستالدى. مەرەكەلىك مەرەيتوي بارىسىندا تەاتر ارتىستەرى تاراپىنان اسەم ءان جولدانىپ، كورەرمەندەردىڭ ىقىلاسىنا بولەندى.
Dalanews.kz