Keleste kóshpeli qoǵamdyq qabyldaý ótti
Elbasy, Partiia tóraǵasy N.Á.Nazarbaevtyń Partiiany qaita jańǵyrtý baǵdarlamasyn iske asyrý aiasyndaǵy tapsyrmasyna sáikes, «Nur Otan» partiiasy Túrkistan oblystyq filialynyń Qoǵamdyq qabyldaý bóliminiń uiymdastyrýymen oblystyq filial tóraǵasynyń Birinshi orynbasary Tájibaev Beisenbai Dáýletulynyń qatysýymen Túrkistan oblysynyń departament jáne basqarma basshylary Keles aýdany turǵyndaryna aryz-shaǵymdary boiynsha kóshpeli qoǵamdyq qabyldaý ótkizdi.
Jalpy Qoǵamdyq qabyldaý barysynda áleýmettik jelide berilgen habarlama negizinde qabyldaýǵa jazylǵan 16 azamat jeke jáne aýdan kólemindegi sheshimin tappai kele jatqan kúrdeli máseleler boiynsha aryz-shaǵymdaryn jetkizdi.
Atap aitqanda, hespýblikalyq mańyzy bar A-15 «Jyzaq-Jetisai-Qyzylásker-Abai-Saryaǵash-Jibek joly» avtomobil jolyn jóndeý jumysynyń sapasyzdyǵy men tapsyrý merzimi kelgenimen jóndeýge qajetti 31 shaqyrymnyń 15 shaqyrymyn da jóndep bitpegeni, osy joldy jóndeý barysynda júk kólikterine ainalma jol retinde berilgen Oshaqty jáne Birlik aýyldyq okrýgteri aýmaǵynan ótetin kúre joldyń búgingi kúni jaramsyz halge jetip kólikterdiń jol apatyna ýshyrýy jiilegeni, urlyq máselesi boiynsha quqyq qorǵaý organdary tiisti deńgeide jumys júrgizbei otyrǵany, Aqtóbe aýyldyq okrýgindegi qurylysy toqtap saqaldy qurylysqa ainalyp otyrǵan R.Qoshqarbaev orta mektebiniń qurylysy jaily, úsh aýysymda oqyp jatqan Ǵ.Muratbaev orta mektebine jańa ǵimarat salý, 2-3 jyl aldyn paidalanýǵa berilgen Birtilek aýyldyq okrýgindegi Jolbasshy jáne T.Begmanov orta mektepteriniń sapasyz qurylysy jaily, «Oimaýyt» sý bógetine kúrdeli jóndeý qajettigi, Oshaqty aýyldyq okrýgi aýmaǵyndaǵy jailym jer máselesi, Saryaǵash aýdany tusynda 7-8 jyl kóleminde turǵyn úi kezeginde turyp, kezegi jaqyndaǵanda Saryaǵash qalasynan paidalanýǵa beriýge jaqyn qalǵan 13 kópqabatty turǵyn úiden Keles aýdanynyń turǵyndary retinde páter ala almaý qaýipteri, Ataýly áleýmettik kómek alý máselesi jáne Keles aýdandyq aýrýhanasynda «Tsifrly Qazaqstan» baǵdarlamasy óz deńgeiinde júrmeýine bailanysty emdelýshi azamattar áli de bolsa qaǵazbastylyq sebebimen tiisti emderin qabyldaýda qinalyp júrgeni jáne emdeý portalyna tirkelý boiynsha qiyndyqtar týyndap jatqany jaily kúrdelengen máselelerdi kóterdi.
Oshaqty aýyldyq okrýginiń turǵyny Qunanbaeva Uljan kótergen eldi mekendegi oqýshylar men turǵyndardyń qiynshylyq kórip otyrǵan kópirdi qaita salý máselesi boiynsha, Túrkistan oblystyq máslihatynyń depýtaty Jańabai Aǵabekov arnaiy tehnika bólip kópir retinde ornatylýǵa qajetti beton plitany bir apta merziminde ornatyp beretinin jetkizdi.
Qoǵamdyq qabyldaý barysynda kóterilgen máseleler boiynsha tiisti departament jáne basqarma basshylary men aýdan ákiminiń orynbasary Jańbyrbaev Abai Danabekuly, sondai-aq aýdandyq debes bólim jáne mekeme basshylary túsiniktemeler berse, oblystyq filial Tóraǵasynyń Birinshi orynbasary Tájibaev Beisenbai Dáýletuly kóterilgen máselelerdi tolyq ári sapaly sheshý boiynsha tiisti basshylarǵa naqty tapsyrmalar berdi.
Kóshpeli qoǵamdyq qabyldaý barysy "Facebook" áleýmettik jelisinde tikelei kórsetildi.
