جالپى قوعامدىق قابىلداۋ بارىسىندا الەۋمەتتىك جەلىدە بەرىلگەن حابارلاما نەگىزىندە قابىلداۋعا جازىلعان 16 ازامات جەكە جانە اۋدان كولەمىندەگى شەشىمىن تاپپاي كەلە جاتقان كۇردەلى ماسەلەلەر بويىنشا ارىز-شاعىمدارىن جەتكىزدى.
اتاپ ايتقاندا، hەسپۋبليكالىق ماڭىزى بار ا-15 «جىزاق-جەتىساي-قىزىلاسكەر-اباي-سارىاعاش-جىبەك جولى» اۆتوموبيل جولىن جوندەۋ جۇمىسىنىڭ ساپاسىزدىعى مەن تاپسىرۋ مەرزىمى كەلگەنىمەن جوندەۋگە قاجەتتى 31 شاقىرىمنىڭ 15 شاقىرىمىن دا جوندەپ بىتپەگەنى، وسى جولدى جوندەۋ بارىسىندا جۇك كولىكتەرىنە اينالما جول رەتىندە بەرىلگەن وشاقتى جانە بىرلىك اۋىلدىق وكرۋگتەرى اۋماعىنان وتەتىن كۇرە جولدىڭ بۇگىنگى كۇنى جارامسىز حالگە جەتىپ كولىكتەردىڭ جول اپاتىنا ۋشىرۋى جيىلەگەنى، ۇرلىق ماسەلەسى بويىنشا قۇقىق قورعاۋ ورگاندارى ءتيىستى دەڭگەيدە جۇمىس جۇرگىزبەي وتىرعانى، اقتوبە اۋىلدىق وكرۋگىندەگى قۇرىلىسى توقتاپ ساقالدى قۇرىلىسقا اينالىپ وتىرعان ر.قوشقاربايەۆ ورتا مەكتەبىنىڭ قۇرىلىسى جايلى، ءۇش اۋىسىمدا وقىپ جاتقان ع.مۇراتبايەۆ ورتا مەكتەبىنە جاڭا عيمارات سالۋ، 2-3 جىل الدىن پايدالانۋعا بەرىلگەن بىرتىلەك اۋىلدىق وكرۋگىندەگى جولباسشى جانە ت.بەگمانوۆ ورتا مەكتەپتەرىنىڭ ساپاسىز قۇرىلىسى جايلى، «ويماۋىت» سۋ بوگەتىنە كۇردەلى جوندەۋ قاجەتتىگى، وشاقتى اۋىلدىق وكرۋگى اۋماعىنداعى جايلىم جەر ماسەلەسى، سارىاعاش اۋدانى تۇسىندا 7-8 جىل كولەمىندە تۇرعىن ءۇي كەزەگىندە تۇرىپ، كەزەگى جاقىنداعاندا سارىاعاش قالاسىنان پايدالانۋعا بەرىۋگە جاقىن قالعان 13 كوپقاباتتى تۇرعىن ۇيدەن كەلەس اۋدانىنىڭ تۇرعىندارى رەتىندە پاتەر الا الماۋ قاۋىپتەرى، اتاۋلى الەۋمەتتىك كومەك الۋ ماسەلەسى جانە كەلەس اۋداندىق اۋرۋحاناسىندا «سيفرلى قازاقستان» باعدارلاماسى ءوز دەڭگەيىندە جۇرمەۋىنە بايلانىستى ەمدەلۋشى ازاماتتار ءالى دە بولسا قاعازباستىلىق سەبەبىمەن ءتيىستى ەمدەرىن قابىلداۋدا قينالىپ جۇرگەنى جانە ەمدەۋ پورتالىنا تىركەلۋ بويىنشا قيىندىقتار تۋىنداپ جاتقانى جايلى كۇردەلەنگەن ماسەلەلەردى كوتەردى.
وشاقتى اۋىلدىق وكرۋگىنىڭ تۇرعىنى قۇنانبايەۆا ۇلجان كوتەرگەن ەلدى مەكەندەگى وقۋشىلار مەن تۇرعىنداردىڭ قيىنشىلىق كورىپ وتىرعان كوپىردى قايتا سالۋ ماسەلەسى بويىنشا، تۇركىستان وبلىستىق ءماسليحاتىنىڭ دەپۋتاتى جاڭاباي اعابەكوۆ ارنايى تەحنيكا ءبولىپ كوپىر رەتىندە ورناتىلۋعا قاجەتتى بەتون پليتانى ءبىر اپتا مەرزىمىندە ورناتىپ بەرەتىنىن جەتكىزدى.
قوعامدىق قابىلداۋ بارىسىندا كوتەرىلگەن ماسەلەلەر بويىنشا ءتيىستى دەپارتامەنت جانە باسقارما باسشىلارى مەن اۋدان اكىمىنىڭ ورىنباسارى جاڭبىربايەۆ اباي دانابەك ۇلى، سونداي-اق اۋداندىق دەبەس ءبولىم جانە مەكەمە باسشىلارى تۇسىنىكتەمەلەر بەرسە، وبلىستىق فيليال ءتوراعاسىنىڭ ءبىرىنشى ورىنباسارى تاجىبايەۆ بەيسەنباي داۋلەت ۇلى كوتەرىلگەن ماسەلەلەردى تولىق ءارى ساپالى شەشۋ بويىنشا ءتيىستى باسشىلارعا ناقتى تاپسىرمالار بەردى.
كوشپەلى قوعامدىق قابىلداۋ بارىسى "Facebook" الەۋمەتتىك جەلىسىندە تىكەلەي كورسەتىلدى.
