Aıta ketelik memlekettik-jekemenshik áriptestik aıasynda paıdalanýǵa berilgen nysandy jergilikti kásipker óz qarjysyna salǵyzyp, týǵan aýylyna tartý etken eken. Nysannyń jobalyq smetalyq quny 30 mln teńge.
200 orynǵa laıyqtalǵan balabaqshada qazirgi tańda barlyǵy 36 adam jumys istep jatyr. Olardyń barlyǵy da jergilikti turǵyndar. Psıholog, defektolog mamandary da bar.
Munda balalardyń alańsyz oınap, jan-jaqty bolyp qalyptasýy úshin barlyq jaǵdaı jasalǵan. Oıyn, án-kúı, jatyn bólmeleri de zamanǵa saı qajetti jabdyqtarmen qamtylǵan.
Jalpy búgingi kúni Keles aýdanynda mektepke deıingi bilim beretin 67 balabaqsha bar. Onyń ishinde 47-si jekemenshik, 12-si memlekettik, qalǵan 8-i shaǵyn ortalyqtar.
Balabaqsha quryltaıshysy Jaıyq Orazbaevtyń aıtýynsha, balabaqshada barlyq jaǵdaı jasalǵan
- Úsh tilde bilim berip jatyrmyz. Taǵy da munda qol óner bólimi bar, bı bólimderi jumys isteıdi. Úsh mezgil tamaq beriledi. Ata-analar aıyna 5 myń teńgeden tóleıdi, – deıdi ol.
