ايتا كەتەلٸك مەملەكەتتٸك-جەكەمەنشٸك ەرٸپتەستٸك اياسىندا پايدالانۋعا بەرٸلگەن نىساندى جەرگٸلٸكتٸ كەسٸپكەر ٶز قارجىسىنا سالعىزىپ, تۋعان اۋىلىنا تارتۋ ەتكەن ەكەن. نىساننىڭ جوبالىق سمەتالىق قۇنى 30 ملن تەڭگە.
200 ورىنعا لايىقتالعان بالاباقشادا قازٸرگٸ تاڭدا بارلىعى 36 ادام جۇمىس ٸستەپ جاتىر. ولاردىڭ بارلىعى دا جەرگٸلٸكتٸ تۇرعىندار. پسيحولوگ, دەفەكتولوگ ماماندارى دا بار.
مۇندا بالالاردىڭ الاڭسىز ويناپ, جان-جاقتى بولىپ قالىپتاسۋى ٷشٸن بارلىق جاعداي جاسالعان. ويىن, ەن-كٷي, جاتىن بٶلمەلەرٸ دە زامانعا ساي قاجەتتٸ جابدىقتارمەن قامتىلعان.
جالپى بٷگٸنگٸ كٷنٸ كەلەس اۋدانىندا مەكتەپكە دەيٸنگٸ بٸلٸم بەرەتٸن 67 بالاباقشا بار. ونىڭ ٸشٸندە 47-سٸ جەكەمەنشٸك, 12-سٸ مەملەكەتتٸك, قالعان 8-ٸ شاعىن ورتالىقتار.
بالاباقشا قۇرىلتايشىسى جايىق ورازباەۆتىڭ ايتۋىنشا, بالاباقشادا بارلىق جاعداي جاسالعان
- ٷش تٸلدە بٸلٸم بەرٸپ جاتىرمىز. تاعى دا مۇندا قول ٶنەر بٶلٸمٸ بار, بي بٶلٸمدەرٸ جۇمىس ٸستەيدٸ. ٷش مەزگٸل تاماق بەرٸلەدٸ. اتا-انالار ايىنا 5 مىڭ تەڭگەدەن تٶلەيدٸ, – دەيدٸ ول.
