Gazben qamtý, sapaly elektrmen jáne aýyz sýmen qamtý sekildi ózekti problemalar qaita jandandy. Bul týraly apparat otyrysynda Keles aýdanynyń ákimi Aqmentai Esbaev aýdandaǵy ózekti máseleler týraly baiandady.
Atap aitqanda, Keles aýdanyndaǵy «Abai» AGTS-niń qurylys-montaj jumystaryn tamyz aiynyń aiaǵynda aiaqtap, qabyldaý jumystaryn júrgizý josparlanýda.
2019 jyly bastaý alǵan qurylys araǵa ýaqyt salyp, qaita jandandy. Nysannyń qurylys jumystary aiaqtalyp, paidalanýǵa tapsyrylǵan jaǵdaida Abai aýyly, Qoshqarata, Ushqyn, Birtilek aýyldyq okrýgteriniń eldi mekenderin tolyq tabiǵi gazben qamtamasyz etýge «Abai» AGTS qýaty jetetin bolady.
Oblystyń ońtústik aýmaǵynda ornalasqan 5 aýdanyn (Keles, Saryaǵash, Maqtaral, Jetisai, Shardara) sapaly elektr qýatymen qamtamasyz etý maqsatynda 220/110/10 kV «Qyzylásker» qosalqy stansasynyń qurylysyna 7,2 mlrd. teńge jáne osy «Qyzylásker» qosalqy stansasynan eki 110 kV elektr jelisin (91 km EJ) salý qurylysyna 1,8 mlrd teńge josparlanǵan.
2018 jyly 4 dana avtotransformator ornatylyp jáne Saryaǵash aýdanynda ornalasqan Jylǵa QS-nan «Qyzylásker» QS deiin 72,2 shaqyrym elektr jelisi júrgizilip, jumystar tolyǵymen aiaqtalǵan. Osy nysandy qosý-retteý jumystaryn júrgizýge mamyr aiynda oblystyq biýdjetten 188,5 mln. teńge qarjy qaralyp, jumystar júrgizilýde. «Qyzylásker» QS qurylys jumystaryn qyrkúiek aiynda aiaqtap, qabyldaý jumystaryn júrgizý josparlanǵan. Nátijesinde oblystyń ońtústik aimaqtary ónerkásip jáne aýyl sharýashylyǵy nysandary turaqty jáne sapaly elektr energiiasymen qamtylady.
Keles aýdanynda 468,6 mlrd. teńgeni quraityn, aýmaǵy 500 gektarǵa jýyq jylyjai kesheni salynady. Ol úshin 466 gektar jer bólinbek. Sondai-aq biyl «ECOCULTURE-EURASIA» JShS-i jalpy quny 25 mlrd. teńgeni quraityn 27 ga jer ýchaskesine jylyjai keshenin salý josparlap otyr.
