Keleste ardagerlerge arnalǵan alleia ashyldy
Keles aýdanynda «Nur Otan» partiiasynyń «Ardagerlerdi ardaqtaiyq» jobasy aiasynda Ardagerler alleiasy men Aýǵanstan soǵysy jáne tájik-aýǵan qaqtyǵysyna qatysqan ardagerlege arnalǵan eskertkish-monýmenttiń saltanatty ashylý rásimi ótti. Bul is-shara Otan qorǵaýshylar jáne Jeńis kúni merekesine arnaldy, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Jiynda Keles aýdanynyń ákimi, «Nur Otan» partiiasynyń Keles aýdandyq filialynyń tóraǵasy Aqmentai Esbaev, TMD janyndaǵy internatsionalist jaýyngerler kommiteti tóraǵasynyń orynbasary, QR «Aýǵanstan jáne jer-jerdegi soǵys ardagerleri» odaǵynyń tóraǵasy Sháripbai Ótegenov, «Nur Otan» partiiasynyń Keles aýdandyq filialy tóraǵasynyń birinshi orynbasary Ahmet Jumabekov, jáne ózge de ardagerler eskertkish-monýmentti ashyp, máńgilik alaýdy jaqty. Aýdan imamy Aidar Sadyqov qaza bolǵan soǵys ardagerlerine Quran baǵyshtady.
Aýdan ákimi Aqmentai Esbaev jiylǵan qaýymdy Otan qorǵaýshylar jáne Jeńis kúni merekelerimen quttyqtady.
Is-sharaǵa kelgen mártebeli qonaqtar da merekemen quttyqtap, júrekjardy tilekterin jetkizdi. Qonaqtar men ardagerler jańa ashylǵan eskertkish-monýmentke gúl shoqtaryn qoiyp, qarýlastaryn eske aldy.
