Kelesi kezekte...
Qazirgi tańda memlekettik qoldaý sharalaryn kórsetý aiasynda 800 mlrd teńgeden astam somaǵa 13 myńnan astam biznes joba qarjylandyrylǵan. Ataýly mólsherlemesi 6% aspaityn 18 mln teńgege deiin shaǵyn nesieler usynylǵan.
Budan syrt kásipkerlikti qaita retteý boiynsha zańnamalyq sharalar qabyldanyp jatyr.
Saǵyntaev bul rette atalǵan baǵytta úkimettiń aýqymdy jumys atqaryp jatqanyn tilge tiek etti. Aitýynsha, litsenziialar men ruqsattar sany 3 eseden astam qysqarǵan. ShOB sýbektilerin tekserý boiynsha 17,6 myńnan astam talap qysqardy.
«Osylaisha, kásipkerlerdi tekserý boiynsha talaptar sany 57% qysqardy. Budan ózge, densaýlyq saqtaý jáne bilim berý salalaryn yryqtandyrýǵa basa nazar aýdarylýda. Osy jyly 34 myńnan astam ShOB sýbektisi biznestiń sanitarlyq jáne meditsinalyq tekserýlerinen bosatyldy. Aǵymdaǵy jyly 447 jekemenshik mektepke deiingi uiym ashyldy. Kelesi kezeńde densaýlyq saqtaý jáne bilim berý uiymdaryna qatysty 30 eskirgen sanitarlyq erejeni alyp tastaý josparlanǵan», – dedi Úkimetbasshysy.
Keńeste sondai-aq memlekettik-jekeshelik áriptestikti damytý máseleleri talqylandy jáne jergilikti atqarýshy organdarmen ózara is-qimyl tetikterin jetildirý boiynsha kásipkerlerdiń usynystary tyńdaldy.
Elimizdegi ShOB damytýdyń aǵymdaǵy jaǵdaiy týraly «Atameken» Ulttyq kásipkerler palatasynyń basqarma tóraǵasynyń orynbasary Tólemis Shotanov aityp berdi. Óz kezeginde «Atameken» Óńirlik keńesiniń músheleri oblystaǵy biznesti damytý úshin ózekti máselelerdi aitty: Larisa Safonova jer telimderin suraý kezinde elektrondy formatqa kóshý múmkindigi týraly, Esei Muhiev – óńirlik operatorlardan JJM kólemderin alýǵa qatysty, Gúldara Nurymova – BJK-2020 aiasynda syiaqy mólsherlemesiniń bir bóligin sýbsidiialaý týraly, Konstantin Michýrin – indýstriialyq aimaqtardy damytý týraly, Jambyl Begmanov – selektsiialyq-tuqym sharýashylyǵy daqyldaryn damytýdy qoldaý ortalyqtaryn qurý qajettiligi týraly, Valerii Romashenko – qaitalama shikizattan jasalǵan taýarlar alýǵa memlekettik satyp alýlar týraly, Arystan Tilebaev – Jappai kásipkerlik baǵdarlamasy aiasynda qalalar men monoqalalardy qarjylandyrý týraly, Dastan Aitúlenov – jún daiyndaý jáne bastapqy óńdeýge qatysty suraqtar qoidy.
Kásipkerler qoiǵan suraqtarǵa energetika vitse-ministri Maǵzum Myrzaǵaliev, Taraz q. «Áýlie-Ata» halyqaralyq áýejaiynyń direktory Dáýlet Hamzin, Jambyl oblysynyń ákimi Kárim Kókirekbaev, aýylsharýashylyǵy birinshi vitse-ministri Qairat Aitýǵanov, ulttyq ekonomika vitse-ministri Aibatyr Jumaǵulov túsinikteme berdi. Qorytyndylai kele, Baqytjan Saǵyntaev jaýapty tulǵalarǵa ShOB ókilderiniń barlyq máseleleri men usynystaryn baqylaýǵa alýdy jáne atalǵan baǵytta keshendi jumys júrgizýdi tapsyrdy.
