قازىرگى تاڭدا مەملەكەتتىك قولداۋ شارالارىن كورسەتۋ اياسىندا 800 ملرد تەڭگەدەن استام سوماعا 13 مىڭنان استام بيزنەس جوبا قارجىلاندىرىلعان. اتاۋلى مولشەرلەمەسى 6% اسپايتىن 18 ملن تەڭگەگە دەيىن شاعىن نەسيەلەر ۇسىنىلعان.
بۇدان سىرت كاسىپكەرلىكتى قايتا رەتتەۋ بويىنشا زاڭنامالىق شارالار قابىلدانىپ جاتىر.
ساعىنتايەۆ بۇل رەتتە اتالعان باعىتتا ۇكىمەتتىڭ اۋقىمدى جۇمىس اتقارىپ جاتقانىن تىلگە تيەك ەتتى. ايتۋىنشا، ليسەنزيالار مەن رۇقساتتار سانى 3 ەسەدەن استام قىسقارعان. شوب سۋبەكتىلەرىن تەكسەرۋ بويىنشا 17،6 مىڭنان استام تالاپ قىسقاردى.
«وسىلايشا، كاسىپكەرلەردى تەكسەرۋ بويىنشا تالاپتار سانى 57% قىسقاردى. بۇدان وزگە، دەنساۋلىق ساقتاۋ جانە ءبىلىم بەرۋ سالالارىن ىرىقتاندىرۋعا باسا نازار اۋدارىلۋدا. وسى جىلى 34 مىڭنان استام شوب سۋبەكتىسى بيزنەستىڭ سانيتارلىق جانە مەديسينالىق تەكسەرۋلەرىنەن بوساتىلدى. اعىمداعى جىلى 447 جەكەمەنشىك مەكتەپكە دەيىنگى ۇيىم اشىلدى. كەلەسى كەزەڭدە دەنساۋلىق ساقتاۋ جانە ءبىلىم بەرۋ ۇيىمدارىنا قاتىستى 30 ەسكىرگەن سانيتارلىق ەرەجەنى الىپ تاستاۋ جوسپارلانعان»، – دەدى ۇكىمەتباسشىسى.
كەڭەستە سونداي-اق مەملەكەتتىك-جەكەشەلىك ارىپتەستىكتى دامىتۋ ماسەلەلەرى تالقىلاندى جانە جەرگىلىكتى اتقارۋشى ورگاندارمەن ءوزارا ءىس-قيمىل تەتىكتەرىن جەتىلدىرۋ بويىنشا كاسىپكەرلەردىڭ ۇسىنىستارى تىڭدالدى.
ەلىمىزدەگى شوب دامىتۋدىڭ اعىمداعى جاعدايى تۋرالى «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسىنىڭ ورىنباسارى تولەمىس شوتانوۆ ايتىپ بەردى. ءوز كەزەگىندە «اتامەكەن» وڭىرلىك كەڭەسىنىڭ مۇشەلەرى وبلىستاعى بيزنەستى دامىتۋ ءۇشىن وزەكتى ماسەلەلەردى ايتتى: لاريسا سافونوۆا جەر تەلىمدەرىن سۇراۋ كەزىندە ەلەكتروندى فورماتقا كوشۋ مۇمكىندىگى تۋرالى، ەسەي مۇحييەۆ – وڭىرلىك وپەراتورلاردان ججم كولەمدەرىن الۋعا قاتىستى، گۇلدارا نۇرىموۆا – بجك-2020 اياسىندا سىياقى مولشەرلەمەسىنىڭ ءبىر بولىگىن سۋبسيديالاۋ تۋرالى، كونستانتين ميچۋرين – يندۋستريالىق ايماقتاردى دامىتۋ تۋرالى، جامبىل بەگمانوۆ – سەلەكسيالىق-تۇقىم شارۋاشىلىعى داقىلدارىن دامىتۋدى قولداۋ ورتالىقتارىن قۇرۋ قاجەتتىلىگى تۋرالى، ۆالەريي روماششەنكو – قايتالاما شيكىزاتتان جاسالعان تاۋارلار الۋعا مەملەكەتتىك ساتىپ الۋلار تۋرالى، ارىستان تىلەبايەۆ – جاپپاي كاسىپكەرلىك باعدارلاماسى اياسىندا قالالار مەن مونوقالالاردى قارجىلاندىرۋ تۋرالى، داستان ايتۇلەنوۆ – ءجۇن دايىنداۋ جانە باستاپقى وڭدەۋگە قاتىستى سۇراقتار قويدى.
كاسىپكەرلەر قويعان سۇراقتارعا ەنەرگەتيكا ۆيسە-مينيسترى ماعزۇم مىرزاعالييەۆ، تاراز ق. «اۋليە-اتا» حالىقارالىق اۋەجايىنىڭ ديرەكتورى داۋلەت حامزين، جامبىل وبلىسىنىڭ اكىمى كارىم كوكىرەكبايەۆ، اۋىلشارۋاشىلىعى ءبىرىنشى ۆيسە-مينيسترى قايرات ايتۋعانوۆ، ۇلتتىق ەكونوميكا ۆيسە-مينيسترى ايباتىر جۇماعۇلوۆ تۇسىنىكتەمە بەردى. قورىتىندىلاي كەلە، باقىتجان ساعىنتايەۆ جاۋاپتى تۇلعالارعا شوب وكىلدەرىنىڭ بارلىق ماسەلەلەرى مەن ۇسىنىستارىن باقىلاۋعا الۋدى جانە اتالعان باعىتتا كەشەندى جۇمىس جۇرگىزۋدى تاپسىردى.
