Keles aýdanynda 300 oryndyq jańa mektep paidalanýǵa beriledi
Túrkistan oblysy Keles aýdanynda boi kóterip jatqan bilim oshaǵy biylǵy oqý jyly qarsańynda paidalanýǵa berilmek. 300 oryndyq jańa mektep Qoshqarata aýyldyq okrýginiń Jambyl eldi mekeninde ornalasqan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Oshaqty aýyldyq okrýgindegi Abai atyndaǵy jalpy orta mektepke qosymsha 300 oryndyq oqý ǵimaraty salý jumystary júrgizilse, Aqtóbe aýyldyq okrýginiń Yntymaq eldi mekenindegi R.Qoshqarbaev mektebiniń qurylysy da jalǵasyn tabady.
Abai aýylyndaǵy burynǵy perzenthana ǵimaratyndaǵy kúrdeli jóndeý jumystary júrgizilýde. Bul ǵimarattyń áleýetin tiimdi paidalaný maqsatynda biýdjettik mekemelerdi ornalastyrý josparlanyp otyr.
Budan ózge, aýdan ortalyǵyndaǵy Keles aýdany ákimi apparaty jańartylyp, Á.Kenjeev atyndaǵy aýdandyq mádeniet úii de kúrdelý jóndeý jumystary júrgizilýde. Qos ǵimarattyń ainalasy abattandyrylyp, turǵyndardyń bos ýaqytynda demalatyn alleiaǵa ainalady. Sondai-aq «Nur Otan» partiiasynyń Keles aýdandyq filialynyń ǵimaratynyń irgetasy qalandy. Nysan qurylysyna aýdandaǵy kásipkerler demeýshilik jasaǵan.
Aita keteiik, biyl Keles aýdanynyń qaita qurylǵanyna 3 jyl tolady. Qaita qurylyp, túlegen Keles óńiri búginde jańaryp, ajarlana túsken. Biylǵy jyly aýdan boiynsha 9 nysanǵa kúrdeli jáne rekonstrýktsiia jumystary júrgizilýde.
