وشاقتى اۋىلدىق وكرۋگىندەگى اباي اتىنداعى جالپى ورتا مەكتەپكە قوسىمشا 300 ورىندىق وقۋ عيماراتى سالۋ جۇمىستارى جۇرگىزىلسە، اقتوبە اۋىلدىق وكرۋگىنىڭ ىنتىماق ەلدى مەكەنىندەگى ر.قوشقاربايەۆ مەكتەبىنىڭ قۇرىلىسى دا جالعاسىن تابادى.
اباي اۋىلىنداعى بۇرىنعى پەرزەنتحانا عيماراتىنداعى كۇردەلى جوندەۋ جۇمىستارى جۇرگىزىلۋدە. بۇل عيماراتتىڭ الەۋەتىن ءتيىمدى پايدالانۋ ماقساتىندا بيۋدجەتتىك مەكەمەلەردى ورنالاستىرۋ جوسپارلانىپ وتىر.
بۇدان وزگە، اۋدان ورتالىعىنداعى كەلەس اۋدانى اكىمى اپپاراتى جاڭارتىلىپ، ءا.كەنجەيەۆ اتىنداعى اۋداندىق مادەنيەت ءۇيى دە كۇردەلۋ جوندەۋ جۇمىستارى جۇرگىزىلۋدە. قوس عيماراتتىڭ اينالاسى اباتتاندىرىلىپ، تۇرعىنداردىڭ بوس ۋاقىتىندا دەمالاتىن اللەياعا اينالادى. سونداي-اق «Nur Otan» پارتياسىنىڭ كەلەس اۋداندىق فيليالىنىڭ عيماراتىنىڭ ىرگەتاسى قالاندى. نىسان قۇرىلىسىنا اۋدانداعى كاسىپكەرلەر دەمەۋشىلىك جاساعان.
ايتا كەتەيىك، بيىل كەلەس اۋدانىنىڭ قايتا قۇرىلعانىنا 3 جىل تولادى. قايتا قۇرىلىپ، تۇلەگەن كەلەس ءوڭىرى بۇگىندە جاڭارىپ، اجارلانا تۇسكەن. بيىلعى جىلى اۋدان بويىنشا 9 نىسانعا كۇردەلى جانە رەكونسترۋكسيا جۇمىستارى جۇرگىزىلۋدە.
