Aýdannyń negizgi damý baǵyty aýyl sharýashylyǵy bolǵandyqtan, aımaqta 64 myń gektar sýarmaly jer bar. Onda negizinen kúrish, maqta jáne baqsha daqyldary egiledi.
Máselen, sharýashylyq 300 gektar jerge maqta egip, birneshe jyldan beri tamshylatyp sýǵarý ádisin qoldanady. Olar ınovasıalyq júıeniń arqasynda sýdy 3 esege deıin únemdep, al ónimdilikti eki esege ulǵaıtqan. Mysaly, byltyr ózge dıqandar maqta alqabynyń ár gektarynan 28 sentnerden ónim alǵanda, bul sharýashylyq 50 sentnerge ıek artty. Qarapaıym sharýalar «mundaı jetistikke jańa ınovasıalyq tehnolıanyń arqasynda qol jetkizdik», – deıdi.
Búgin de ıgilikti júıeniń kómegine júgingenderdiń sany artyp keledi.
Qaırat Joldybaı, Shardara aýdany ákiminiń orynbasary:
– Jańa tehnologıany engizý aýdanda qolǵa alynyp jatyr. Keler jyly aýdanda 700 gektardan asa aýmaqqa tamshylatyp sýǵarý júıesi engiziletin bolady. Bul júıeler óziniń paıdaly ekenin kórsetip, sharýalar jyldan jylǵa qyzyǵyp, kóbeıip kele jatyr. Osy jyly maqtanyń ortasha baǵasy 170 teńge boldy. Aldaǵy jyly da sol deńgeıde bolady dep kútip otyrmyz.
